CBI ની સૌથી મોટી રેડ, 19 રાજ્યોના 110 સ્થાનોએ દરોડા
Live TV
-
સીબીઆઈ દ્વારા ભ્રષ્ટાચાર, હથિયાર દાણચોરી સહિતના કેસોમાં દેશના 19 રાજ્યોના 110 સ્થાને સાગમટે દરોડા પાડવાની કામગીરી ચાલી રહી છે. સીબીઆઈ 30 નવા કેસ દાખલ કરીને આ કાર્યવાહી કરી રહી છે.
વિવિધ કંપનીઓના પ્રમોટર્સ, ડિરેકટર્સ, બેંક અધિકારી અને ખાનગી વ્યક્તિ સામે પણ કેસ દાખલ થયા છે. આ અગાઉ બેકીંગ કૌભાંડ કેસમાં 12 રાજ્યોના 20 શહેરોમાં 2 જુલાઈના રોજ 50 સ્થળે સીબીઆઈએ દરોડા પાડ્યા હતા.
એક જ સપ્તાહમાં સીબીઆઈએ આ બીજીવાર સાગમટે દરોડા પાડીને કાર્યવાહી હાથ ધરી છે. આજે દિલ્હી, મુંબઈ, લુધિયાણા, થાણે, વલસાડ, સુરત. પૂર્ણે, ગયા, ગુરૂગાંવ, ચંડીગઢ, ભોપાલ સહિતના સ્થાને દરોડા પાડવામાં આવ્યા છે.