ફોરેન્સિક સાયન્સ યુનિ. ખાતે કોન્ફરન્સ, 36 દેશના 100થી વધુ પોલીસ અધિકારીઓ સામેલ 

ગાંધીનગર ખાતે ગુજરાત ફોરેન્સીક સાયન્સ યુનિવર્સિટીમાં આયોજિત આઠમી વાર્ષિક ઈન્ટરપા કોન્ફરન્સનો પ્રારંભ કરાવતા મુખ્યમંત્રી વિજય રૂપાણી - મુખ્યમંત્રીએ કહ્યું સાયબર સુરક્ષા વિશ્વ માટે પડકારરૂપ - 36થી વધુ દેશના 100થી વધુ સિનિયર પોલીસ અધિકારીઓ લઈ રહ્યા છે ભાગ - સાયબર સિક્યુરિટી એન્ડ કોમ્બેટિંગ વિષય પર કરાશે ચર્ચા

મુખ્યમંત્રી વિજય રૂપાણીએ ગાંધીનગર ખાતે ગુજરાત ફોરેન્સીક સાયન્સીસ યુનિવર્સિટીમાં આઠમી વાર્ષિક ઈન્ટરપા કોન્ફરન્સનો પ્રારંભ કરાવ્યો હતો. આ તકે મુખ્યમંત્રીએ સાયબર ખતરાને વિશ્વ સામેના મોટા પડકારોમાંથી એક ગણાવ્યો હતો અને આ ખતરા સામે લડવા માટે આ પ્રકારની કોન્ફરન્સને મહત્ત્વની ગણાવી હતી. 

ઉલ્લેખનીય છે કે, આ કોન્ફરન્સ 13 ફેબ્રુઆરી ચાલશે. જેમાં 36થી વધુ દેશના 100થી વધુ સિનિયર પોલીસ અધિકારીઓએ સાયબર સિક્યુરિટી એન્ડ કોમ્બોટીંગ સાઈબર ક્રાઈમ થીમ ઉપર ચર્ચા-વિચારણા કરશે.