વાહકજન્ય રોગોના નિયંત્રણ માટે તંત્ર સતર્ક- નીતિન પટેલ

નાયબ મુખ્યમંત્રી નીતિન પટેલે કહ્યું છે કે વાહકજન્ય રોગોના નિયંત્રણ માટે તંત્ર સતર્ક છે. રોગ નિયંત્રણ માટે જનજાગૃતિ અનિવાર્ય છે તેમ તેમણે વિધાનસભા ગૃહમાં જણાવ્યું હતું. તેમણે કહ્યું કે આ માટે સ્વચ્છતાથી લઇને તમામ પ્રકારની કાળજી નાગરિકો દ્વારા રાખવામાં આવે એ માટે આપણે સૌએ સહિયારા પ્રયાસો કરવા જરૂરી છે. રાજકોટ જિલ્લામાં નાના બાળકોમાં જોવા મળેલા બ્રુસેલા તાવ અંગે પૂછાયેલા પ્રશ્નના જવાબમાં મંત્રીશ્રીએ કહ્યું કે બ્રુસેલા તાવ એ પશુઓના સંપર્કમાં આવવાથી થતો રોગ છે. ગોંડલ તાલુકાના હડમતાલા ગામની નાની બાળકીને અસર થઇ હતી એ આરોગ્ય વિભાગની સતર્કતાને કારણે સત્વરે સારવાર આપવામાં આવતા, બાળકી આજે સંપૂર્ણ તંદુરસ્ત છે. બાળકીની તબિયત સુધારા પર છે.