આઇઆઇટી દિલ્હીમાં 5જી ટેક્નોલોજી પર સમ્મેલન યોજાયુ

આઈઆઈટી દિલ્હી 5જી ટેકનોલોજી ઉપર કેટલાક મહત્વપૂર્ણ સંશોધન કરી રહી છે. આઈઆઈટી દિલ્હીમાં આજે 5જી તકનિક પર એક પરિષદનું આયોજન કરવામાં આવ્યું હતું, જેમાં આ તકનીકને લગતા તમામ પાસાઓની ચર્ચા કરવામાં આવી.

એક તરફ 4જી ટેક્નોલોજીએ વિશ્વવ્યાપી સંદેશાવ્યવહાર ક્રાંતિ લાવી છે, ત્યારે વૈજ્ઞાનિકો હવે 5 જી ટેક્નોલોજીના આધારે સાધનો બનાવવાનું કામ કરી રહ્યા છે.
આઈઆઈટી દિલ્હીના વિદ્યાર્થીઓએ વાયુ પ્રદૂષણ પર નજર રાખવા માટે 5 જી ટેક્નોલોજી પર આધારિત એક ડિવાઇસ ડિઝાઇન કર્યું છે જે સોલર એનર્જીથી ચાલે છે, તેમજ જીપીએસ સિસ્ટમથી સજ્જ હોવાને કારણે અસરકારક રીતે જિઓ ટેગિંગ પણ કરી શકે છે. આ ઉપકરણ શહેરી વિસ્તારોમાં 10 કિ.મી. સુધીની રેન્જમાં પીએમ 2.5, પીએમ 10, એનઓ 2, ઓઝોન, કાર્બન મોનોક્સાઇડ અને સલ્ફર ડાયોક્સાઇડ શોધી શકે છે.

જો કે, નિષ્ણાતોના મતે 5 જી ટેક્નોલજીમાં ડેટા સુરક્ષા અને લોકોની સુરક્ષાને લગતા ઘણા પડકારો છે, જેનું ધ્યાન રાખવું પડશે. 5 જી કમ્યુનિકેશન ટેકનોલોજીની વિશેષતા એ છે કે તેની સ્પીડ 4 જી કરતા ઓછામાં ઓછી 20-25 ગણી વધારે હશે. ઉપરાંત, તે ચોરસ કિલોમીટર ક્ષેત્રે આશરે 10 મિલિયન ઉપકરણોને સમર્થન આપી શકે છે. 5 જી ટેક્નોલજી આવતા 3 થી 4 વર્ષમાં ભારતમાં આવે તેવી સંભાવના છે.