ઘરેલુ રાંધણ ગેસના ભાવમાં 29રૂ.નો વધારો

ઘરેલુ રાંધણ ગેસના ભાવમાં 29રૂ નો વધારો, દિલ્હીમાં સિલિન્ડરનો ભાવ 942રૂ. એ પહોંચ્યો

વધતી જતી વૈશ્વિક આર્થિક કટોકટી વચ્ચે સામાન્ય જનતાના રસોડાના બજેટ પર ફરી એકવાર મોંઘવારીનો મોટો ફટકો પડ્યો છે. પશ્ચિમ એશિયા (Middle East) માં ઊભા થયેલા ઉર્જા સંકટને કારણે દેશમાં ઘરેલુ રાંધણ ગેસ (LPG) ના ભાવમાં મોટો વધારો ઝીંકવામાં આવ્યો છે. મળતી માહિતી મુજબ, ઘરેલુ એલપીજી સિલિન્ડરના ભાવમાં પ્રતિ સિલિન્ડર રૂપિયા 29 નો વધારો કરવામાં આવ્યો છે અને આ નવા ભાવોને તાત્કાલિક અસરથી લાગુ કરી દેવામાં આવ્યા છે.

ત્રણ મહિનામાં બીજી વખત ભાવ વધારો

આંતરરાષ્ટ્રીય બજારમાં ક્રૂડ ઓઇલ અને ગેસના ભાવોમાં ચાલી રહેલી ઉથલપાથલની સીધી અસર ભારતીય ગ્રાહકો પર જોવા મળી રહી છે. છેલ્લા ત્રણ મહિનાની અંદર રાંધણ ગેસના ભાવમાં આ બીજી વખત વધારો કરવામાં આવ્યો છે, જેનાથી ગૃહિણીઓનું બજેટ ખોરવાયું છે. દિલ્હીમાં 14.2 કિલો  વાળા  સિલિન્ડરનો  ભાવ 942 રૂપિયા થયો છે.

ભાવ વધારા પાછળનું મુખ્ય કારણ

નિષ્ણાતોના જણાવ્યા અનુસાર, પશ્ચિમ એશિયાના દેશોમાં ચાલી રહેલી ભૌગોલિક-રાજકીય તંગદિલી (Geopolitical Tensions) ને કારણે વૈશ્વિક સ્તરે ઇંધણની સપ્લાય ચેઇનને વ્યાપક અસર પહોંચી છે. સપ્લાય ખોરવાવાને કારણે આંતરરાષ્ટ્રીય સ્તરે ઉર્જા સંકટ ઊભું થયું છે, જેને પગલે સરકારી તેલ કંપનીઓએ આ ઓઇલ પ્રાઇસ હાઇકનો બોજ ગ્રાહકો પર નાખવો પડ્યો છે.

સ્થાનિક કરવેરા (Local Taxes) અને પરિવહન ખર્ચના આધારે દેશના અન્ય રાજ્યો અને શહેરોમાં આ ભાવમાં સામાન્ય તફાવત જોવા મળી શકે છે.