જયેશભાઇ રાદડિયાના હસ્તે વિકાસ વાટીકા પુસ્તિકાનું વિમોચન

પુસ્તિકામાં જિલ્લાના પ્રવાસન સ્થળો અને ઉત્સવ તથા મેળાની લોક ઉપયોગીની માહિતી મળશે.

જૂનાગઢ જિલ્લાની વર્ષ ૨૦૧૭-૧૮ની વિકાસ વાટીકા પુ્સ્તિકાનું પ્રભારી મંત્રી જયેશભાઇ રાદડીયાના હસ્તે વિમોચન કરવામાં આવ્યુ હતું. જૂનાગઢ જિલ્લા વહિવટી તંત્ર દ્વારા પ્રકાશિત અને જિલ્લા માહિતી કચેરી દ્વારા સંપાદિત પુસ્તિકામાં જિલ્લાના પ્રવાસન સ્થળો અને જિલ્લાના ઉત્સવ અને મેળાની લોક ઉપયોગી માહિતી ઉપરાંત જિલ્લાની વિવિધ કચેરીઓ દ્વારા કરવામાં આવેલા વર્ષ ૨૦૧૬-૧૭ના વિકાસ કામોની માહિતી સચિત્ર ફોટોગ્રાફ સાથે આપવામાં આવી છે. જિલ્લામાં યોજાયેલા કાર્યક્રમોની માહિતી પણ આપવામાં આવી છે. પુ્સ્તિકામાં આપવામાં આવેલી માહિતીથી જિલ્લાના લોકો વિકાસ કાર્યોથી વાકેફ થશે. આ પ્રસંગે અધિક કલેકટર પી.વી.અંતાણી, નાયબ માહિતી નિયામક રાજુભાઇ જાની, જિલ્લા આયોજન અધિકારી વી.બી. માંડલીયા, ડી.આર.ડી.એ. નિયામક જે.કે.ઠેસીયા સહિતના અધિકારીઓ ઉપસ્થિત રહયા હતા.