દિલ્લીમાં PM મોદી સાથે ધારાસભ્યોનું મંથન, પ્રજાલક્ષી કાર્યોને વેગ આપવા પર ચર્ચા

ગુજરાત ભાજપના ધારાસભ્યોના એક ઉચ્ચ સ્તરીય પ્રતિનિધિમંડળે મંગળવારે સાંજે નવી દિલ્હીમાં વડાપ્રધાન નરેન્દ્ર મોદીના સત્તાવાર નિવાસસ્થાને તેમની મુલાકાત લીધી હતી. આ બેઠક દરમિયાન ગુજરાતના અલગ-અલગ મતવિસ્તારોમાંથી આવેલા લોકપ્રતિનિધિઓએ પીએમ મોદી સાથે લોકસેવાના પોતાના અનુભવો શેર કર્યા હતા અને રાજ્યમાં સુશાસન (Governance) તેમજ જનકલ્યાણની યોજનાઓને વધુ વેગ આપવા અંગે મહત્વપૂર્ણ માર્ગદર્શન મેળવ્યું હતું.

ગુજરાત ભાજપના ધારાસભ્યોના એક ઉચ્ચ સ્તરીય પ્રતિનિધિમંડળે મંગળવારે સાંજે નવી દિલ્હીમાં વડાપ્રધાન નરેન્દ્ર મોદીના સત્તાવાર નિવાસસ્થાને તેમની મુલાકાત લીધી હતી. આ બેઠક દરમિયાન ગુજરાતના અલગ-અલગ મતવિસ્તારોમાંથી આવેલા લોકપ્રતિનિધિઓએ પીએમ મોદી સાથે લોકસેવાના પોતાના અનુભવો શેર કર્યા હતા અને રાજ્યમાં સુશાસન (Governance) તેમજ જનકલ્યાણની યોજનાઓને વધુ વેગ આપવા અંગે મહત્વપૂર્ણ માર્ગદર્શન મેળવ્યું હતું. આ મુલાકાતને ધારાસભ્યોએ એક પ્રેરણાદાયી અને ઐતિહાસિક ક્ષણ ગણાવી હતી, જેમાં સ્થાનિક કક્ષાએ વિકાસ કાર્યોને આગળ ધપાવવા અંગે વિસ્તૃત ચર્ચા થઈ હતી.

"આ બેઠક નવી ઉર્જા આપનારી": વેજલપુરના ધારાસભ્ય અમિત ઠાકર

બેઠક અંગે પોતાના અનુભવો શેર કરતા વેજલપુર (અમદાવાદ) ના ધારાસભ્ય અમિત ઠાકરે જણાવ્યું કે, "દેશના 140 કરોડ નાગરિકોના પ્રેરણાસ્ત્રોત વડાપ્રધાન નરેન્દ્ર મોદીજીને મળવું એ મારા માટે ગૌરવની ક્ષણ છે. દેશભક્તિ, વિકાસ, સેવા અને સુરક્ષા... આ ચાર શબ્દો નરેન્દ્ર મોદીના વ્યક્તિત્વનું જીવંત સ્વરૂપ છે. આ મુલાકાત માત્ર એક ક્ષણ નથી, પરંતુ જનસેવા તરફ વધુ સમર્પણ સાથે આગળ વધવાની નવી પ્રેરણા છે. હું વેજલપુર અને અમદાવાદના વિકાસ માટે નવા સંકલ્પ સાથે વધુ તાકાતથી કામ કરતો રહીશ."

"રાષ્ટ્ર પ્રથમની ઉર્જાનો અનુભવ": સાવરકુંડલાના ધારાસભ્ય મહેશ કસવાલા

સાવરકુંડલા-લીલીયાના ધારાસભ્ય મહેશ કસવાલાએ વડાપ્રધાનની સમર્પિત જાહેર સેવાના સંદર્ભને યાદ કરતા જણાવ્યું કે "આજે આદરણીય વડાપ્રધાન નરેન્દ્રભાઈ મોદીને મળવાની ઐતિહાસિક તક મળી. પીએમ મોદીની અવિરત જાહેર સેવાના ૧૨ વર્ષના વિશેષ અવસરે તેમને મળવું એ મારા માટે ભારે ગૌરવ અને આનંદની ક્ષણ છે. આ મુલાકાત માત્ર એક સામાન્ય બેઠક નહોતી, પરંતુ 'નેશન ફર્સ્ટ' (રાષ્ટ્ર પ્રથમ) ની સકારાત્મક ઉર્જાનો અદભુત અનુભવ હતો. સાવરકુંડલા-લીલીયા અને સમગ્ર ગુજરાતમાં જનકલ્યાણના કાર્યોને વધુ ઉત્સાહથી આગળ વધારવાની પ્રેરણા મને મળી છે."

બેઠકમાં ઉપસ્થિત અન્ય અગ્રણી ધારાસભ્યો

આ પ્રતિનિધિમંડળમાં ગુજરાતના વિવિધ વિસ્તારોના ધારાસભ્યો સામેલ હતા, જેમાં:

• દિનેશસિંહ કુશવાહ (ધારાસભ્ય, બાપુનગર)

• રીટાબેન પટેલ (ધારાસભ્ય, ગાંધીનગર ઉત્તર)

• ડો. પાયલ કુકરાણી (ધારાસભ્ય, નરોડા)

• ચતુરસિંહ જવાનજી ચાવડા (ધારાસભ્ય, વિજાપુર) સહિતના અન્ય નેતાઓ ઉપસ્થિત રહ્યા હતા.

સ્થાનિક વિકાસના મુદ્દાઓ પર મંથન

બેઠકમાં સામેલ ધારાસભ્યોએ જણાવ્યું કે, વડાપ્રધાન સાથેની આ મુલાકાતે તેમને પોતપોતાના મતવિસ્તારના વિકાસલક્ષી પ્રશ્નો અને વહીવટી પ્રાથમિકતાઓ પર ચર્ચા કરવાની ઉત્તમ તક પૂરી પાડી હતી. બેઠકના અંતે, તમામ ધારાસભ્યોએ પીએમ મોદીના માર્ગદર્શન બદલ આભાર વ્યક્ત કર્યો હતો અને વિશ્વાસ અપાવ્યો હતો કે આ ચર્ચાથી તેમને ગુજરાતના ખૂણે-ખૂણે સુશાસન અને લોકકલ્યાણના કાર્યોને વધુ મજબૂતીથી લોકો સુધી પહોંચાડવામાં મદદ મળશે.