મધુવંતી યોજના 100% ભરતા આસપાસના ગામોને એલર્ટ કરાયા

ગુજરાતમાં વરસાદ મન મૂકીને વરસી રહ્યો છે ત્યારે, ગુજરાતનાં મોટાભાગના જળાશયો છલકાઈ રહ્યાં છે. એવામાં ગુજરાતનાં, જૂનાગઢના મેંદરડા તાલુકાના કેનેડીપુર ગામ પાસે મધુવંતી નદી પર આવેલા મધુવંતી સિંચાઇ યોજનામાં 100% પાણીની આવક થયેલ છે. મધુવંતી સિંચાઇ યોજના 100% ભરાયેલ હોવાથી આસપાસના ગામોને ચેતવણી આપવામાં આવી છે. આ યોજના પોતાની સંપૂર્ણ સપાટીએ ભરતા ઓવરફ્લો થતાં નદીના પટમાં કે કાંઠા વિસ્તારમાં કોઈ એ અવરજવર ન કરવાની ચેતવણી આપવામાં આવી છે.

મધુવંતી સિંચાઇ યોજના ઓવરફ્લો થતાં મેંદરડા તાલુકાના કેનેડીપુર, બાબરતીર્થ, અમરગઢ, મેંદરડા, આલીધ્રા, મીઠાપુર, નાની ખોડિયાર; અને વંથલી તાલુકાના ભંડારા , ભાટિયા, બોડકા, ગડઈ, કોંજડી, મોટા  કાજળીયાળા, ટીનમસ, વસપડા, ગામોને ચેતવણી આપવામાં આવી છે. ડેમની  હાલની સ્થિતિમાં પાણીની સપાટી 165 મીટર(50.99 ફૂટ) નોંધાયેલ છે.