આસામ પૂરની ગંભીર સ્થિતિ: કાઝીરંગા નેશનલ પાર્કમાં 6 ગેંડા સહિત 131 જંગલી પ્રાણીઓના મોત

કાઝીરંગા નેશનલ પાર્કમાં 233માંથી 69 ફોરેસ્ટ કેમ્બ પાણીમાં ડૂબી ગયા, પૂૂરથી 66 લોકોના થયા મોત

આસામમાં પૂરના કારણે કાઝીરંગા નેશનલ પાર્કમાં અત્યાર સુધીમાં છ ગેંડા સહિત 131 જંગલી પ્રાણીઓના મોત થયા છે. કાઝીરંગા નેશનલ પાર્કના ફિલ્ડ ડાયરેક્ટર સોનાલી ઘોષે જણાવ્યું હતું કે કાઝીરંગા નેશનલ પાર્કમાં અત્યાર સુધીમાં છ ગેંડા, 100 હોગ ડીયર અને બે સાંબર પૂરના પાણીમાં ડૂબી જવાથી મૃત્યુ પામ્યા છે, જ્યારે 17 હોગ ડીયર, સ્વેમ્પ ડીયરમાંથી એક, રીસસ મકાક અને સંભાળ દરમિયાન બીવર મૃત્યુ પામ્યો.

પૂર દરમિયાન 97 વન્ય પ્રાણીઓને બચાવવામાં સફળતા

પાર્ક ઓથોરિટી અને ફોરેસ્ટ ડિપાર્ટમેન્ટે પૂર દરમિયાન 97 જંગલી પ્રાણીઓને બચાવવામાં પણ સફળતા મેળવી છે. રાષ્ટ્રીય ઉદ્યાનમાં પૂરની સ્થિતિમાં સુધારો થઈ રહ્યો છે પરંતુ 233માંથી 69 ફોરેસ્ટ કેમ્પ હજુ પણ પાણીમાં ડૂબી ગયા છે. પાર્ક ઓથોરિટીએ જણાવ્યું કે કાઝીરંગા રેન્જ હેઠળ 22 ફોરેસ્ટ કેમ્પ, બગોરી રેન્જ હેઠળ 20 કેમ્પ, અગરતોલી રેન્જમાં 14 કેમ્પ, બુરાપહાર, બોકાખાટ અને નાગાંવ વન્યજીવન વિભાગમાં 4 અને વિશ્વનાથ વન્યજીવન વિભાગ હેઠળ એક કેમ્પ પાણીમાં ડૂબી ગયા છે. પાર્ક ઓથોરિટીએ પૂરને કારણે કાઝીરંગા રેન્જ અને બોકાખાટ રેન્જમાં બે-બે સહિત ચાર ફોરેસ્ટ કેમ્પને પણ ખાલી કરાવ્યા છે.

આસામમાં પૂરની સ્થિતિ તાજેતરમાં વધુ વણસી ગઈ છે, છેલ્લા 24 કલાકમાં પૂરને કારણે વધુ આઠ લોકોએ જીવ ગુમાવ્યા છે, પૂરથી કુલ મૃત્યુઆંક 66 પર પહોંચી ગયો છે. આસામ સ્ટેટ ડિઝાસ્ટર મેનેજમેન્ટ ઓથોરિટી દ્વારા રવિવારે જાહેર કરાયેલા અહેવાલ મુજબ, ધુર્બી અને નલબારી જિલ્લામાં બે-બે અને કચર, ગોલપારા, ધેમાજી અને શિવસાગરમાં એક-એક વ્યક્તિએ પૂરમાં જીવ ગુમાવ્યો છે સ્થાનિક વહીવટી તંત્ર પૂરગ્રસ્ત વિસ્તારોમાં બચાવ કામગીરીમાં વ્યસ્ત છે.