ઉત્તરાખંડ: ચારધામ યાત્રામાં અત્યાર સુધીમાં 7.72 લાખથી વધુ શ્રદ્ધાળુઓએ કર્યા દર્શન

દેહરાદૂન: ઉત્તરાખંડમાં ચારધામ યાત્રા શરૂ થયાને આજે 19 દિવસ પૂર્ણ થયા છે. ભક્તિભાવ સાથે મોટી સંખ્યામાં ઉમટી રહેલા ભક્તોને કારણે ચારધામમાં અત્યાર સુધીમાં શ્રદ્ધાળુઓનો આંકડો 7 લાખ 72 હજારને વટાવી ગયો છે.

કેદારનાથ : સૌથી વધુ અંદાજે 3.45 લાખ શ્રદ્ધાળુઓએ દર્શન કર્યા.બદ્રીનાથ : અંદાજે 1.85 લાખ ભક્તોએ શીશ ઝુકાવ્યું.યમુનોત્રી: અંદાજે 1.16 લાખ શ્રદ્ધાળુઓ પહોંચ્યા.ગંગોત્રી: 1.15 લાખથી વધુ શ્રદ્ધાળુઓએ મુલાકાત લીધી.શ્રદ્ધાળુઓની સંખ્યામાં સતત વધારો થઈ રહ્યો છે, પરંતુ હિમાલયની ભૌગોલિક સ્થિતિને કારણે આ યાત્રા શ્રદ્ધાળુઓ માટે પડકારજનક પણ બની રહી છે. 19 એપ્રિલથી શરૂ થયેલી આ યાત્રામાં અત્યાર સુધીમાં સ્વાસ્થ્ય સંબંધિત કારણોસર 29 શ્રદ્ધાળુઓના મોત નીપજ્યા છે.હિન્દુ ધર્મમાં ચારધામ યાત્રાને અત્યંત પવિત્ર અને મોક્ષદાયી માનવામાં આવે છે. આઠમી સદીમાં આદિ શંકરાચાર્ય દ્વારા લોકપ્રિય બનાવવામાં આવેલી આ યાત્રા પરંપરાગત રીતે પશ્ચિમથી પૂર્વ તરફ કરવામાં આવે છે, જેની શરૂઆત યમુનોત્રીથી થાય છે અને ત્યારબાદ ગંગોત્રી, કેદારનાથ અને અંતે બદ્રીનાથના દર્શન સાથે પૂર્ણ થાય છે.