ગુજરાતની રાજ્યસભાની 4 બેઠકો માટે ઉમેદવારોના નામ જાહેર, આજે ભરશે ઉમેદવારી ફોર્મ

ગુજરાતની રાજ્યસભાની 4 બેઠકો માટે ઉમેદવારોના નામ જાહેર, આજે ભરશે ઉમેદવારી ફોર્મ

આ વર્ષે 16 રાજયોની 58 રાજયસભા બેઠકો માટે 23 માર્ચના રોજ ચૂંટણી યોજાશે. જેમાં ગુજરાતની પણ ચાર બેઠકોનો સમાવેશ થાય છે. આ માટે ઉમેદવારીપત્ર ભરવાની આજે છેલ્લી તારીખ છે. ત્યારે ભાજપ તરફથી બહાર પાડવામાં આવેલી બીજી યાદીમાં 18 નામ જાહેર કરાયાં છે. જેમાં ગુજરાતની રાજયસભા બેઠકો માટે મનસુખ માંડવિયા અને પુરુષોત્તમ રૂપાલાને ફરી વખત રાજયસભામાં મોકલવાનો નિર્ણય લેવાયો છે. બીજી તરફ, રવિવારે મોડી રાત્રે કૉંગ્રેસ દ્વારા જાહેર થયેલી યાદીમાં ગુજરાતમાંથી અમીબેન યાજ્ઞિક તેમજ પૂર્વમંત્રી નારણ રાઠવાના નામ જાહેર કરવામાં આવ્યા હતાં. આ સિવાય મહારાષ્ટ્રની પૂર્વ મુખ્યપ્રધાન નારાયણ રાણે, અનીલ જૈન, જીવીએલ નરસિંહા રાવ સહિતનાં નામ જાહેર કરાયાં હતાં. બીજી તરફ કૉંગ્રેસના પ્રવક્તા અભિષેક મનુ સિંઘવીનું નામ પશ્ચિમ બંગાળથી જાહેર કરાયું છે. આ તમામ ઉમેદવારો આજે તેમનાં ઉમેદવારીપત્રો રજૂ કરશે.