ચૂંટણી પ્રચારમાં અમિત શાહ આંધ્રપ્રદેશ અને તેલંગાણામાં રેલીઓ કરશે

ચૂંટણી પ્રચારમાં અમિત શાહ આંધ્રપ્રદેશ અને તેલંગાણામાં રેલીઓ કરશે

લોકસભાના ચૂંટણી જંગમાં તમામ રાજકીય પક્ષો જોરશોરથી રેલીઓ કરી રહ્યા છે. ભાજપના સ્ટાર પ્રચારક અને કેન્દ્રીય ગૃહમંત્રી અમિત શાહ આજે આંધ્રપ્રદેશ અને તેલંગાણામાં રેલીઓ કરશે. અમિત શાહ NDA અને ભાજપના ઉમેદવારોના સમર્થનમાં ચાર ચૂંટણી રેલીઓ કરવાના છે. તેઓ આંધ્રપ્રદેશના હિન્દુપુર લોકસભા ક્ષેત્રમાં એક સાર્વજનિક બેઠકને સંબોધશે અને NDA ઉમેદવારના સમર્થનમાં ચૂંટણી પ્રચારમાં ભાગ લેશે. જ્યારે તેલંગાણામાં અમિત શાહ 3 ચૂંટણી રેલીઓમાં મતદારોને સંબોધિત કરવાના છે. કેન્દ્રીય ગૃહમંત્રીની આદિલાબાદ, ફિઝામાબાદ અને મલકાજગીરીમાં ચૂંટણી રેલી છે. ભાજપના રાષ્ટ્રીય અધ્યક્ષ જે.પી. નડ્ડા આજે ઓડિશામાં પ્રચારની કમાન સંભાળશે. જે.પી. નડ્ડા રાજ્યની વિધાનસભા ચૂંટણી અને લોકસભા ચૂંટણીને ધ્યાનમાં રાખીને કાર્યકરોને જીતનો મંત્ર આપશે. આ સાથે રાજ્યની વિધાનસભા ચૂંટણીને લઈને પાર્ટીનો મેનિફેસ્ટો પણ બહાર પાડશે. વિદેશ મંત્રી ડૉ. એસ. જયશંકર પણ આજે ઓડિશાના કટકમાં પાર્ટી કાર્યકરોની બેઠકમાં હાજરી આપશે અને ચૂંટણી વ્યૂહરચના અંગે ચર્ચા કરશે.