બિહાર ચૂંટણીઃ આજે ત્રીજા તબક્કાના ઉમેદવારી પત્રોની ચકાસણી કરાશે.

બિહાર વિધાનસભા ચુંટણીમાં આજે ત્રીજા અને છેલ્લાં તબક્કા માટે ભરાયેલા ફોર્મની ચકાસણી કરવામાં આવશે. સાથે જ મહાગઠબંધનમાં જોડાયેલ મુખ્ય દળ કોંગ્રેસ પોતાના ઘોષણાપત્રની જાહેરાત કરશે

બિહાર વિધાનસભા ચુંટણીમાં આજે ત્રીજા અને છેલ્લાં તબક્કા માટે ભરાયેલા ફોર્મની ચકાસણી કરવામાં આવશે. સાથે જ મહાગઠબંધનમાં જોડાયેલ મુખ્ય દળ કોંગ્રેસ પોતાના ઘોષણાપત્રની જાહેરાત કરશે. બીજી તરફ લોજપા આજે બિહાર ફર્સ્ટ, બિહારી ફર્સ્ટનું વિઝન ડોક્યુમેન્ટ જાહેર કરશે. 

છેલ્લાં તબક્કા માટે ગઈકાલે 78 બેઠકો માટે ઉમેદવારી પત્ર ભરવાની પ્રક્રિયા સમાપ્ત થઇ ગઈ હતી. ત્રીજા તબક્કામાં 15 જીલ્લામાં 78 વિધાનસભા બેઠક માટે 7 મી નવેમ્બરે મતદાન યોજાશે. સાથે જ ચુંટણીના બીજા તબક્કામાં 94 બેઠકો ઉપર ઉમેદવારી પાછી ખેંચવા માટે 1464 ઉમેદવારો મેદાનમાં ઉતર્યા છે. 17 જીલ્લામાં ત્રીજી નવેમ્બરે મતદાન યોજાશે. 16 જીલ્લાની 71 સીટો પર 28મી ઓક્ટોબરે મતદાન યોજાનાર છે ત્યારે અત્યારે આ સીટો પર ચૂંટણી પ્રચાર પુરજોશમાં ચાલી રહ્યો છે.