6 દીનદયાલ ઉપાધ્યાય માર્ગ પર BJPનું નવું કાર્યાલય

ભાજપના નવા કાર્યાલનું પીએમ મોદીના હસ્તે ઉદ્ધાટન, ૬ દીનદયાલ ઉપાધ્યાય માર્ગ પર બન્યું નવું કાર્યાલય

નવી દિલ્હીમાં ભાજપના નવા કાર્યાલનું પીએમ મોદીના હસ્તે ઉદ્ધાટન કરવામાં આવ્યું. પહેલા ભાજપ કાર્યાલય 11 અશોક રોડ પર હતું જે હવે બદલાઈને ૬ દીનદયાલ ઉપાધ્યાય માર્ગ પર બન્યું છે. ભાજપના રાષ્ટ્રીય અધ્યક્ષ અમિત શાહે જણાવ્યું હતું કે, જોવામાં ભલે આ કાર્યક્રમ નાનો લાગતો હોય પરંતુ આજનો દિવસ બહુ મોટો છે. અનેક કાર્યકર્તાઓએ સપનું જોયું હતું તે પૂર્ણ થયું છે. પ્રધાનમંત્રી નરેન્દ્ર મોદીએ આ ભવ્ય ઈમારત બનાવવા માટે અમિત શાહ અને તેમની ટીમને અભિનંદન પાઠવ્યા હતા. આ સાથે તેમણે કહ્યું કે આઝાદી બાદ જેટલા પણ આંદોલન થયા તેની અધ્યક્ષતા ભારતીય જનસંઘના લોકોએ કરી હતી.અમારો પક્ષ રાષ્ટ્રભક્તિના રંગમાં રંગાયેલો છે.