રમિતા જિંદાલ મહિલાઓની 10 મીટર એર રાઈફલ ફાઈનલ્સ માટે થઈ ક્વોલિફાય

ભારતીય મહિલા શૂટર રમિતા જિંદાલે પોતાનું શાનદાર પ્રદર્શન ચાલુ રાખીને પેરિસ ઓલિમ્પિક 2024ની ફાઇનલમાં જગ્યા બનાવી લીધી છે. રમિતાએ રવિવારે 631.5ના સ્કોર સાથે મહિલાઓની 10 મીટર એર રાઈફલ સ્પર્ધાની ફાઇનલમાં ક્વોલિફાય કર્યું હતું.

સ્પર્ધામાં અન્ય ભારતીય, ઈલાવેનિલ વાલારિવાન, 630.7ના સ્કોર સાથે 10મા સ્થાને રહીને ક્વોલિફિકેશન ચૂકી ગયો. રમિતા હવે સોમવારે ભારતીય સમય અનુસાર બપોરે 1 વાગ્યે ફાઇનલમાં મેડલ સ્પર્ધામાં ભાગ લેશે.

20 વર્ષની ખેલાડી રમિતાએ ક્વોલિફિકેશન રાઉન્ડની તમામ છ સિરીઝમાં 104થી વધુનો સ્કોર કર્યો હતો. શનિવારે મહિલાઓની 10 મીટર એર પિસ્તોલ સ્પર્ધામાં મનુ ભાકરના પરાક્રમ બાદ, રમિતા 20 વર્ષમાં ઓલિમ્પિક ફાઇનલમાં પહોંચનારી માત્ર બીજી ભારતીય મહિલા શૂટર છે.