સાઉથ આફ્રિકામાં રમાઇ રહેલી T20 સીરિઝમાં ટીમ ઇન્ડિયાનો 5 વિકેટે પરાજય

T20 સીરિઝની બીજી મેચ મંગળવારે રમાઇ હતી, યજમાન ટીમે 1-0ની મેળવી સરસાઈ.

ભારત અને દક્ષિણ આફ્રિકા વચ્ચે ત્રણ મેચની T20 સીરિઝની બીજી મેચ મંગળવારે રમાઇ હતી. જેમાં ભારતે 5 વિકેટથી હારનો સામનો કરવો પડ્યો હતો. ડકવર્થ લુઈસ નિયમના આધારે દક્ષિણ આફ્રિકાને 15 ઓવરમાં 152 રનનો ટાર્ગેટ મળ્યો હતો. સાઉથ આફ્રિકાએ 13.5 ઓવરમાં 154 રન બનાવીને મેચ જીતી લીધી હતી. T20 સીરિઝની ત્રીજી અને અંતિમ મેચ 14 ડિસેમ્બરે જોહાનિસબર્ગમાં રમાશે.

ભારતે 19.3 ઓવરમાં 180 રન કર્યા હતા. વરસાદને કારણે આ મેચ 15 ઓવરની કરવામાં આવી હતી અને 152 રનનો ટાર્ગેટ નક્કી કરવામાં આવ્યો હતો. આ પહેલા ડરબનમાં રવિવારે ત્રણ મેચોની શ્રેણીની પ્રથમ મેચ વરસાદને કારણે રદ્દ કરવામાં આવી હતી. ભારતીય ટીમનું સુકાન સૂર્ય કુમાર યાદવ સંભાળી રહ્યા છે, જ્યારે દક્ષિણ આફ્રિકાના સુકાની એડન માર્કરામ છે.