ક્રૂડ ઓઈલ પ્રતિ બેરલ 81 ડોલરની નજીક જ્યારે પેટ્રોલ અને ડીઝલના ભાવ સ્થિર

ઈઝરાયેલ-હમાસ યુદ્ધ વચ્ચે આંતરરાષ્ટ્રીય બજારમાં ક્રૂડ ઓઈલની કિંમતમાં સતત વધઘટ થઈ રહી છે. છેલ્લા 24 કલાકમાં બ્રેન્ટ ક્રૂડ ઓઇલની કિંમત પ્રતિ બેરલ 81 ડોલર અને વેસ્ટ ટેક્સાસ ઇન્ટરમીડિયેટ(WTI) ક્રૂડની કિંમત પણ પ્રતિ બેરલ 76 ડોલર સુધી પહોંચી ગઈ છે. જોકે, જાહેર ક્ષેત્રની ઓઈલ અને ગેસ માર્કેટિંગ કંપનીઓએ પેટ્રોલ અને ડીઝલના ભાવમાં કોઈ ફેરફાર કર્યો નથી.

ઈન્ડિયન ઓઈલની વેબસાઈટ મુજબ શનિવારે રાજધાની દિલ્હીમાં પેટ્રોલ 96.72 રૂપિયા, ડીઝલ 89.62 રૂપિયા, મુંબઈમાં પેટ્રોલ 106.31 રૂપિયા, ડીઝલ 94.27 રૂપિયા, કોલકાતામાં પેટ્રોલ 106.03 રૂપિયા, ડીઝલ 92.76 રૂપિયા, ચેન્નાઈમાં પેટ્રોલ 102.63 રૂપિયા અને  ડીઝલ રૂ. 94.24 પ્રતિ લિટર.ના દરે ઉપલબ્ધ છે. 

આંતરરાષ્ટ્રીય બજારમાં સપ્તાહના અંતિમ દિવસે બ્રેન્ટ ક્રૂડ 3.19 ડોલર અથવા 4.12%ના વધારા સાથે પ્રતિ બેરલ 80.61 ડોલર પર છે. તે જ સમયે, વેસ્ટ ટેક્સાસ ઇન્ટરમીડિયેટ (WTI) ક્રૂડ $ 2.99 અથવા 4.10%ના વધારા સાથે બેરલ દીઠ $ 75.89 પર ટ્રેડ કરી રહ્યું છે.