ફેબ્રુઆરીમાં મહિન્દ્રાના વેચાણમાં 15 ટકાનો વધારો, ટ્રેક્ટરનું વેચાણ વધ્યું

મહિન્દ્રા એન્ડ મહિન્દ્રાએ જણાવ્યું હતું કે, ફેબ્રુઆરીમાં તેનું કુલ ઓટો વેચાણ વાર્ષિક ધોરણે 15 ટકા વધીને 83,702 યુનિટ (નિકાસ સહિત) થયું છે. ગયા મહિને કંપનીએ સ્થાનિક બજારમાં 50,240 SUV વેચી હતી. આમાં 19 ટકાનો વધારો થયો છે. તે જ સમયે, નિકાસ સહિત કુલ વેચાણ 52,386 યુનિટ રહ્યું. સ્થાનિક બજારમાં વાણિજ્યિક વેચાણ 23,826 યુનિટ રહ્યું. આ મજબૂત પ્રદર્શન અમારા SUV પોર્ટફોલિયો માટે સકારાત્મક વાતાવરણને પ્રતિબિંબિત કરે છે. 

ફેબ્રુઆરીમાં મહિન્દ્રા એન્ડ મહિન્દ્રાના ટ્રેક્ટર વેચાણમાં પણ ઉછાળો જોવા મળ્યો. ફેબ્રુઆરી 2025માં સ્થાનિક ટ્રેક્ટરનું વેચાણ 23,880 યુનિટ રહ્યું હતું, જે ફેબ્રુઆરી 2024માં 20,121 યુનિટ હતું. કંપનીએ ફેબ્રુઆરી 2025 માં 1,647 ટ્રેક્ટરની નિકાસ કરી, જેનાથી કુલ ટ્રેક્ટર વેચાણ 25,527 યુનિટ થયું, જે ગયા વર્ષના સમાન સમયગાળામાં 21,672 યુનિટ હતું.

ઇક્વિપમેન્ટ સેક્ટરના પ્રમુખ હેમંત સિક્કાએ જણાવ્યું હતું કે,અમે ફેબ્રુઆરી 2025માં સ્થાનિક બજારમાં 23,880 ટ્રેક્ટર વેચ્યા છે, જે ગયા વર્ષ કરતા 19 ટકા વધુ છે. આનું કારણ ખરીફ પાકની સારી સ્થિતિ અને રવિ પાક માટે સકારાત્મક સંભાવના છે.

સરકાર દ્વારા કૃષિ ધિરાણ મર્યાદામાં વધારો ખેડૂતોની આવક વધારવામાં મદદ કરશે. તે જ સમયે, રવિ પાકના બમ્પર ઉત્પાદનને કારણે ટ્રેક્ટરની માંગ મજબૂત રહેવાની શક્યતા છે.