ભારતીય શેરબજારની નબળી શરૂઆત

ભારતીય શેરબજારની નબળી શરૂઆત: મધ્ય પૂર્વના તણાવ અને ક્રૂડ ઓઇલના વધતા ભાવથી સેન્સેક્સ-નિફ્ટીમાં ઘટાડો

મંગળવારે ભારતીય શેરબજારની શરૂઆત સાવચેતી અને નબળા વલણ સાથે થઈ છે. વૈશ્વિક બજારોના નબળા સંકેતો અને ખાસ કરીને GIFT નિફ્ટીમાં ઘટાડાની સીધી અસર સ્થાનિક બજારની ચાલ પર જોવા મળી છે.

બજારની સ્થિતિ

સેન્સેક્સ 309.09 પોઇન્ટ ના ઘટાડા સાથે લાલ નિશાનમાં ખૂલ્યો. નિફ્ટી 64.75 પોઇન્ટ ના ઘટાડા સાથે કારોબારની શરૂઆત કરી. પશ્ચિમ એશિયામાં વધી રહેલો તણાવ અને તેના લીધે ક્રૂડ ઓઇલના ભાવોમાં થયેલો વધારો રોકાણકારોની ચિંતાનું મુખ્ય કારણ બન્યો છે.

ટોપ ગેઇનર્સ અને લૂઝર્સ 

બજાજ ઓટો, ONGC, SBI, ગ્રાસિમ અને એક્સિસ બેંક શરૂઆતના સત્રમાં સકારાત્મક કારોબાર કરી રહ્યા છે. મેક્સ હેલ્થકેર, એશિયન પેઇન્ટ્સ, ઇન્ફોસિસ અને જિયો ફાઇનાન્સિયલ સર્વિસિસ નબળાઈ સાથે વેપાર કરી રહ્યા છે.

સોના-ચાંદીના ભાવમાં પણ ઘટાડો

કોમોડિટી બજારમાં MCX પર કિંમતી ધાતુઓમાં નરમાઈ જોવા મળી છે.  MCX પર સોનાના ભાવમાં 650થી વધુનો જ્યારે ચાંદીમાં 2400થી વધુનો ઘટાડો નોંધાયો છે.