ભારતીય શેરબજાર ફરી ચમક્યું, સેન્સેક્સમાં જોરદાર ઉછાળો

શેરબજારના શરૂઆતના ટ્રેડમાં IT, PSU બેંકો અને નાણાકીય સેવાઓના ક્ષેત્રોમાં ખરીદી જોવા મળી હતી...નિફ્ટીને 23,700 પર સપોર્ટ મળવાની શક્યતા છે.. 

શેરબજાર આજે સોમવારે સકારાત્મક વૈશ્વિક સંકેતો વચ્ચે લીલા રંગમાં ખૂલ્યું હતું. શરૂઆતના ટ્રેડમાં IT, PSU બેંકો અને નાણાકીય સેવાઓના ક્ષેત્રોમાં ખરીદી જોવા મળી હતી. સવારે 9.29 વાગ્યે, સેન્સેક્સ 396.06 પોઈન્ટ અથવા 0.50 ટકા વધીને 78, 949.26 પર ટ્રેડ કરી રહ્યો હતો, જ્યારે નિફ્ટી 98.20 પોઈન્ટ અથવા 0.41 ટકા વધીને 23,949.85 પર ટ્રેડ કરી રહ્યો હતો.

સકારાત્મક શરૂઆત પછી, નિફ્ટીને 23,700 પર સપોર્ટ મળવાની શક્યતા 

નિફ્ટી બેંક 862.25 પોઈન્ટ અથવા 1.59 ટકા વધીને 55,152.45 પર હતો. નિફ્ટી મિડકેપ 100 ઇન્ડેક્સ 233.50 પોઈન્ટ અથવા 0.44 ટકા વધીને 52,891.30 પર ટ્રેડ થઈ રહ્યો હતો. નિફ્ટી સ્મોલકેપ 100 ઇન્ડેક્સ 50.15 પોઈન્ટ અથવા 0.31 ટકા વધીને 16,460.35 પર બંધ રહ્યો હતો. બજાર નિરીક્ષકોના મતે, સકારાત્મક શરૂઆત પછી, નિફ્ટીને 22,600 અને 22,500 પર સપોર્ટ મળતા પહેલા 23,700 પર સપોર્ટ મળવાની શક્યતા છે. ઉપરની બાજુએ, 24,000 તાત્કાલિક પ્રતિકાર હોઈ શકે છે, ત્યારબાદ 24,200 અને 24,500 સ્તરો પર પ્રતિકાર હોઈ શકે છે.

.એશિયન બજારોમાં ચીન અને બેંગકોક લીલા નિશાનમાં કારોબાર કરી રહ્યા હતા

યુએસ બજારોમાં ગુરુવારે છેલ્લા ટ્રેડિંગ સત્રમાં, ડાઉ જોન્સ 1.33 ટકાના ઘટાડા સાથે 39,142.23 પર બંધ થયો. S&P 500 ઇન્ડેક્સ 0.13 ટકા વધીને 5,282.70 પર અને Nasdaq 0.13 ટકા ઘટીને 16,286.45 પર બંધ રહ્યો. એશિયન બજારોમાં, ચીન અને બેંગકોક લીલા નિશાનમાં ટ્રેડ કરી રહ્યા હતા. જ્યારે જકાર્તા, જાપાન અને સિઓલ લાલ નિશાનમાં ટ્રેડ થઈ રહ્યા હતા. વિદેશી સંસ્થાકીય રોકાણકારો (FII)એ 17 એપ્રિલના રોજ ત્રીજા દિવસે પણ ખરીદીનો દોર યથાવત રાખ્યો અને 4,667.94 કરોડ રૂપિયાના શેર ખરીદ્યા. જોકે, સ્થાનિક સંસ્થાકીય રોકાણકારો (DIIs)એ ત્રીજા સત્રમાં પણ વેચાણનો દોર યથાવત રાખ્યો અને તે જ દિવસે રૂ. 2,006.15 કરોડના શેર વેચ્યા.