IPO જાહેર કરવામાં ભારત વિશ્વમાં ટોચનો દેશઃ માધવી પુરી બુચ

આ અઠવાડિયાની શરૂઆતમાં, સેબીએ ભારતીય મૂડી બજારો પર એક અહેવાલ બહાર પાડ્યો હતો. જેમાં દેશના રોકાણકારો પર મહત્વપૂર્ણ સુધારા અને ટેક્નોલોજી નવીનતાઓની અસર વિશે માહિતી આપવામાં આવી હતી

સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા (SEBI)ના ચેરપર્સન માધાબી પુરી બુચે શુક્રવારે જણાવ્યું હતું કે IPO લાવવા અને જારી કરવામાં ભારત વૈશ્વિક સ્તરે ટોચ પર છે. મુંબઈ ખાતે FICCI કોન્ફરન્સમાં તેમણે કહ્યું હતું કે માર્કેટ રેગ્યુલેટર IPO માટે દસ્તાવેજો ફાઇલ કરવા અને સબમિટ કરવાની પ્રક્રિયાને સરળ બનાવવા માટે કામ કરી રહ્યું છે. આ ઉપરાંત રેગ્યુલેટરી ફ્રેમવર્કના ફીડબેક અંગે પણ કામ કરવામાં આવી રહ્યું છે.બુચે કહ્યું કે અમે આ પ્રસ્તાવને નિયમનકારી માળખાનો ભાગ બનાવવા માટે અમારા બોર્ડમાં લઈ ગયા છીએ. વિવિધ ક્ષેત્રોમાં ઇન્ડસ્ટ્રી સ્ટાન્ડર્ડ ફોરમની આ પ્રક્રિયા અમારા માટે શીખવાનો અનુભવ છે.

માર્કેટ રેગ્યુલેટર સ્ટાર્ટઅપ્સની યાદી માટેના નિયમોને સરળ બનાવવા માટે કામ કરી રહ્યું છે. તાજેતરમાં, સેબી દ્વારા ઇન્ડસ્ટ્રી સ્ટાન્ડર્ડ ફોરમમાંથી ત્રણ મુખ્ય ઉદ્યોગ સહયોગીઓને બોલાવવામાં આવ્યા હતા. ઇન્ડસ્ટ્રી સ્ટાન્ડર્ડ ફોરમ મુખ્ય હિતધારકોને નિયમનકારી ધોરણોનો મુસદ્દો તૈયાર કરવા અને અમલમાં મૂકવા માટે એકસાથે લાવે છે.આ અઠવાડિયાની શરૂઆતમાં, સેબીએ ભારતીય મૂડી બજારો પર એક અહેવાલ બહાર પાડ્યો હતો. જેમાં દેશના રોકાણકારો પર મહત્વપૂર્ણ સુધારા અને ટેક્નોલોજી નવીનતાઓની અસર વિશે માહિતી આપવામાં આવી હતી.

માર્કેટ રેગ્યુલેટરે જણાવ્યું હતું કે આ રિપોર્ટમાં તાજેતરના ટેક્નોલોજી ઈનોવેશન્સ અને રિફોર્મ્સ વિશે વિગતવાર માહિતી આપવામાં આવી છે. આમાંના ઘણાને વૈશ્વિક સ્તરે પ્રથમ વખત લાગુ કરવામાં આવ્યા છે.NSEના MD અને CEO આશિષ કુમાર ચૌહાણે જણાવ્યું હતું કે આ રિપોર્ટ ભારતના મૂડીબજાર વિશે અને ભારતીય મૂડી બજારોમાં કેવા ફેરફારો જોવા મળ્યા છે તેની વિગતવાર માહિતી પ્રદાન કરે છે.