કાજોલ, રાની અને કરણ જોહરે 'કુછ કુછ હોતા હૈ'ની યાદો ફરી જીવંત કરી

બોલિવૂડના ફેમસ ફેશન ડિઝાઈનર મનીષ મલ્હોત્રાએ મંગળવારે રાત્રે પોતાના નિવાસસ્થાને એક શાનદાર અને ગ્લેમરસ હાઉસ પાર્ટીનું આયોજન કર્યું હતું, જેમાં ફિલ્મ ઈન્ડસ્ટ્રીના તેના કેટલાક સૌથી નજીકના મિત્રો અને સુપરસ્ટાર્સે હાજરી આપી હતી. મનીષ મલ્હોત્રાએ આ રોયલ પાર્ટીની ઝલક પોતાના સોશિયલ મીડિયા એકાઉન્ટ પર શેર કરી છે, જે ઈન્ટરનેટ પર જોરદાર વાયરલ થઈ રહી છે.

બોલિવૂડના ફેમસ ફેશન ડિઝાઈનર મનીષ મલ્હોત્રાએ મંગળવારે રાત્રે પોતાના નિવાસસ્થાને એક શાનદાર અને ગ્લેમરસ હાઉસ પાર્ટીનું આયોજન કર્યું હતું, જેમાં ફિલ્મ ઈન્ડસ્ટ્રીના તેના કેટલાક સૌથી નજીકના મિત્રો અને સુપરસ્ટાર્સે હાજરી આપી હતી. મનીષ મલ્હોત્રાએ આ રોયલ પાર્ટીની ઝલક પોતાના સોશિયલ મીડિયા એકાઉન્ટ પર શેર કરી છે, જે ઈન્ટરનેટ પર જોરદાર વાયરલ થઈ રહી છે. આ ગ્લેમરસ સાંજની સૌથી મોટી હાઈલાઈટ 'કુછ કુછ હોતા હૈ' (KKHH) ની ત્રિપુટી એટલે કે કાજોલ, રાની મુખર્જી અને કરણ જોહરનું અદભુત રીયુનિયન હતું. મનીષ મલ્હોત્રાએ આ સેલ્ફી શેર કરતા કેપ્શનમાં લખ્યું, "ફ્રોમ કુછ કુછ હોતા હૈ ટુ નાવ..."

અંજલિ, ટીના અને રાહુલના ડિરેક્ટરનું રીયુનિયન
જેમને ખબર નથી તેમને જણાવી દઈએ કે, આ આઇકોનિક ફિલ્મમાં કાજોલે 'અંજલિ' અને રાની મુખર્જીએ 'ટીના'નું પાત્ર ભજવ્યું હતું. આ ફિલ્મનું નિર્દેશન કરણ જોહરે કર્યું હતું અને તેના સુપરહિટ આઉટફિટ્સ ખુદ મનીષ મલ્હોત્રાએ ડિઝાઇન કર્યા હતા. વર્ષો પછી આ ત્રણેય કલાકારોને એકસાથે હસતા અને પોઝ આપતા જોઈને ફેન્સ સોશિયલ મીડિયા પર ક્રેઝી થઈ ગયા છે. પાર્ટીમાં કાજોલ બ્લેક આઉટફિટમાં ખૂબ જ સુંદર લાગી રહી હતી, જ્યારે રાની મુખર્જી સિમ્પલ અને એલિગન્ટ લુકમાં જોવા મળી હતી.

ગ્લેમર ગર્લ્સ અને 'ફ્રેન્ડ્સ ફોરેવર' ગેંગ
મનીષ મલ્હોત્રાની આ લક્ઝુરિયસ પાર્ટીમાં બોલિવૂડના અન્ય મોટા ચહેરાઓ પણ ચમક્યા હતા:

કપૂર સિસ્ટર્સનો જલવો: કરિશ્મા કપૂર અને કરીના કપૂર ખાને પણ પાર્ટીમાં હાજરી આપી હતી. કરિશ્માએ કરીના અને કરણ જોહર સાથેની એક તસવીર રીપોસ્ટ કરીને તેને "ફ્રેન્ડ્સ ફોરેવર" (હંમેશા માટે મિત્રો) ગણાવી હતી.

નવી જનરેશનની એક્ટ્રેસીસ: બોલિવૂડની હોટ એક્ટ્રેસ જાન્હવી કપૂર અને કિયારા અડવાણી પણ આ સ્ટાર-સ્ટડેડ પાર્ટીની શોભા વધારતી જોવા મળી હતી અને મનીષ સાથે સેલ્ફી લીધી હતી. પાર્ટીના વાતાવરણની વાત કરીએ તો, મનીષ મલ્હોત્રાના ઘરનું ડેકોરેશન ખૂબ જ ક્લાસી અને અપબીટ હતું, જેમાં સુંદર ફ્લાવર ડેકોરેશન અને ફેમિલી ફોટોગ્રાફ્સની ફ્રેમ્સ આકર્ષણનું કેન્દ્ર બની હતી.

ફેશનથી લઈને ફિલ્મ પ્રોડક્શન સુધી મનીષનો દબદબો
છેલ્લા ત્રણ દાયકાથી વધુ સમયથી ગ્લેમર વર્લ્ડ પર રાજ કરી રહેલા મનીષ મલ્હોત્રાએ ૧૯૯૦ના દાયકાની શરૂઆતમાં જુહી ચાવલાની ફિલ્મ 'સ્વર્ગ'થી પોતાની કરિયર શરૂ કરી હતી, પરંતુ ઉર્મિલા માતોંડકરની ફિલ્મ 'રંગીલા' તેના કરિયરનો ટર્નિંગ પોઈન્ટ સાબિત થઈ હતી. શાહરૂખ ખાન, આલિયા ભટ્ટ અને કરીના સહિતના અનેક આઇકોનિક સ્ટાર્સના કપડાં ડિઝાઇન કર્યા બાદ, મનીષ હવે ફિલ્મ પ્રોડક્શનમાં પણ હાથ અજમાવી રહ્યો છે. તાજેતરમાં જ (નવેમ્બર ૨૦૨૫માં) તેની પ્રોડ્યુસ કરેલી ફિલ્મ 'ગુસ્તાખ ઈશ્ક' રીલીઝ થઈ હતી, જેમાં વિજય વર્મા અને નસીરુદ્દીન શાહ મુખ્ય ભૂમિકામાં હતા.