18 વર્ષ બાદ ફરી એકવાર માધૂરી અને અનિલ કપૂરની જોડી રૂપેરી પડદે

ધમાલની સીરીઝ "ટોટલ ધમાલ"માં, અનિલ અને માધુરી દેખાશે, ઈંદ્ર કુમારની કોમેડી ફિલ્મમાં અજય દેવગણ પણ જોવા મળશે.

અનિલ કપૂર અને માધુરી દીક્ષિત નેનેની હિટ જોડી 18 વર્ષ બાદ ફરી પડદા પર આવી રહી છે. ઈંદ્ર કુમારની ફિલ્મ 'ટોટલ ધમાલ'માં બંને એક સાથે કામ કરતા જોવા મળશે. ધમાલ સીરીઝની આ ફિલ્મમાં અજય દેવગન પણ જોવા મળશે. હાલમાં જ આ ફિલ્મનું ટાઈટલ ટ્રેક શૂટ કરવામાં આવી રહ્યું છે. આ દરમિયાન માધુરી અને અનિલની જોડી એટલી જ પરફેક્ટ જોવા મળી રહી છે. જેટલી એક દશકા પહેલા હતી. જુઓ ફોટોમાં અનિલ અને માધુરીનો ફર્સ્ટ લૂક. સુત્રો અનુસાર જણાવવામાં આવી રહ્યું છે કે, 'એવું લાગે છે કે સમય આજે પણ તેમની સાથે છે. અને સૌનું આકર્ષણ બન્યા છે. ફિલ્મમાં ફોટોગ્રાફી ડાયરેક્ટર જાપાની છે. તેમનું કહેવું છે કે દરેક ક્લોઝઅપ શોટમાં આ જોડી ચમકદાર લાગે છે' થોડા દિવસો પહેલા માધુરીએ આપેલા ઈન્ટરવ્યૂમાં ફિલ્મ વિશે જણાવતા કહ્યું કે આ સાચુ છે કે ઘણા લાંબા સમય બાદ ઇંદ્ર કુમારની ફિલ્માં કામ કરવા જઈ રહી છું. ફિલ્મમાં અનિલ કપૂર પણ મેઈન રોલમાં નજર આવશે. આગળ માધુરીએ કહ્યું કે ઘણા સમયથી તેને કોમેડી ફિલ્મ નથી કરી. જેથી તે આ ફિલ્મમાં કામ કરવાને લઈને ઘણી જ એક્સાઈડેટ અને ખુશ છે.