અમદાવાદના જેલ ભજીયા હાઉસનો અઢી કરોડથી વધુના ખર્ચે કાયાકલ્પ

અમદાવાદના આર.ટી.ઓ. સર્કલ પાસે આવેલું અને લોકોના દિલમાં વિશેષ સ્થાન ધરાવતું સાબરમતી મધ્યસ્થ જેલના કેદીઓ દ્વારા સંચાલિત અતિ લોકપ્રિય ‘જેલ ભજિયા હાઉસ’ હવે એક નવા જ અને ભવ્ય સ્વરૂપમાં સજ્જ થઈ ગયું છે. ગાંધી આશ્રમ મેમોરિયલ પ્રોજેક્ટ તરફ જતા માર્ગ પર આવેલા આ ઐતિહાસિક ફૂડ આઉટલેટને અઢી કરોડ રૂપિયાથી વધુના માતબર ખર્ચે અત્યાધુનિક ત્રણ માળના ભવનમાં રૂપાંતરિત કરવામાં આવ્યું છે, જેને નયનરમ્ય ‘હેરિટેજ લૂક’ આપવામાં આવ્યો છે. રાજ્યના જેલ ડીજીપી ડૉ. કે. એલ. એન. રાવના માર્ગદર્શન હેઠળ તૈયાર થયેલો આ પ્રોજેક્ટ માત્ર ખાણીપીણીનું સ્થળ નથી, પરંતુ કેદીઓના પુનર્વસન અને દેશના સ્વાતંત્ર્ય ઇતિહાસનું એક અદભુત સંગમ બની રહેશે.

અમદાવાદના આર.ટી.ઓ. સર્કલ પાસે આવેલું અને લોકોના દિલમાં વિશેષ સ્થાન ધરાવતું સાબરમતી મધ્યસ્થ જેલના કેદીઓ દ્વારા સંચાલિત અતિ લોકપ્રિય ‘જેલ ભજિયા હાઉસ’ હવે એક નવા જ અને ભવ્ય સ્વરૂપમાં સજ્જ થઈ ગયું છે. ગાંધી આશ્રમ મેમોરિયલ પ્રોજેક્ટ તરફ જતા માર્ગ પર આવેલા આ ઐતિહાસિક ફૂડ આઉટલેટને અઢી કરોડ રૂપિયાથી વધુના માતબર ખર્ચે અત્યાધુનિક ત્રણ માળના ભવનમાં રૂપાંતરિત કરવામાં આવ્યું છે, જેને નયનરમ્ય ‘હેરિટેજ લૂક’ આપવામાં આવ્યો છે. રાજ્યના જેલ ડીજીપી ડૉ. કે. એલ. એન. રાવના માર્ગદર્શન હેઠળ તૈયાર થયેલો આ પ્રોજેક્ટ માત્ર ખાણીપીણીનું સ્થળ નથી, પરંતુ કેદીઓના પુનર્વસન અને દેશના સ્વાતંત્ર્ય ઇતિહાસનું એક અદભુત સંગમ બની રહેશે.

કેદીઓના સુધારણા અને પુનર્વસન તરફ એક દીર્ઘદ્રષ્ટિ પગલું

આ નવપ્રકલ્પનો મુખ્ય ઉદ્દેશ્ય માત્ર વ્યાપારી નથી, પરંતુ જેલની ચાર દીવાલો વચ્ચે સજા કાપી રહેલા કેદીઓમાં છુપાયેલા કૌશલ્યને બહાર લાવવાનો અને સમાજમાં તેમના સન્માનજનક પુનર્વસન પ્રત્યે લોકોનો દ્રષ્ટિકોણ સકારાત્મક બનાવવાનો છે. કેદીઓ દ્વારા તૈયાર થતી આ ખાઘસામગ્રી અને તેમની સક્રિય ભાગીદારી તેમને આત્મનિર્ભર બનાવવાની સાથે સામાજિક મુખ્ય પ્રવાહમાં જોડવામાં મોટો ભાગ ભજવે છે.

ત્રણ માળની અદ્યતન ઇમારતની આકર્ષક વિશેષતાઓ:

• ગ્રાઉન્ડ ફ્લોર - પરંપરાગત સ્વાદિષ્ટ ભજિયા અને બેઠક વ્યવસ્થા: ભવનના ગ્રાઉન્ડ ફ્લોર પર લોકોની પસંદગીના પરંપરાગત અને ગરમા-ગરમ સ્વાદિષ્ટ ભજીયા તેમજ અન્ય ફરસાણના વેચાણ માટે વિશેષ કાઉન્ટર/સેલરૂમ બનાવવામાં આવ્યો છે. અહીં મુલાકાતીઓ આરામથી બેસીને ભજીયાનો સ્વાદ માણી શકે તે માટે અત્યંત સુવ્યવસ્થિત અને આકર્ષક બેઠક વ્યવસ્થા ઊભી કરવામાં આવી છે.

• પ્રથમ માળ - સ્વાસ્થ્યવર્ધક અને સાત્વિક ‘ગાંધી થાળી’: ભવનના પ્રથમ માળે એક ભવ્ય ડાઇનિંગ એરિયા તૈયાર કરાયો છે. અહીં સાબરમતી જેલના કેદીઓ દ્વારા રસોઈ બનાવીને પીરસવામાં આવતી વિશેષ ‘ગાંધી થાળી’ મુલાકાતીઓ માટે મુખ્ય આકર્ષણનું ಕೇಂದ್ರ બનશે. આ સાત્વિક અને પૌષ્ટિક ભોજન શુદ્ધતા અને પરંપરાગત સ્વાદનો અનોખો અહેસાસ કરાવશે.

• બીજો માળ - સ્વાતંત્ર્ય સેનાનીઓની સ્મૃતિઓ ઉજાગર કરતું મ્યુઝિયમ: આ નવા ભવનનું સૌથી મોટું અને ગૌરવવંતુ આકર્ષણ તેનો બીજો માળ છે. આઝાદીના આંદોલન ટાણે સાબરમતી મધ્યસ્થ જેલમાં કેદ રહેલા મહાન સ્વાતંત્ર્ય સેનાનીઓ—જેમ કે પૂજ્ય મહાત્મા ગાંધીજી, સરદાર વલ્લભભાઈ પટેલ, મહાદેવભાઈ દેસાઈ, ઝવેરચંદ મેઘાણી અને લોકમાન્ય તિલક જેવા દિગ્ગજોએ જેલમાં વિતાવેલા સંઘર્ષના દિવસો અને ઐતિહાસિક સમયની ઝાંખી કરાવતી ફોટો ગેલેરી તેમજ મ્યુઝિયમ અહીં તૈયાર કરવામાં આવ્યું છે. આ મ્યુઝિયમ મુલાકાતીઓને દેશભક્તિ અને ઇતિહાસની યાદો તાજી કરાવશે.

‘જેલર અને કેદી’ની યુનિક થીમ અને વધતી લોકપ્રિયતા

આ નવનિર્મિત ભવનમાં ગ્રાહકો માટે અનોખી ‘જેલર અને કેદી’ની થીમ તૈયાર કરવામાં આવી છે. જેલ પ્રશાસનના વાતાવરણ અને આધુનિક હેરિટેજ લૂક વચ્ચે મુલાકાતીઓ એક જ છત નીચે સ્વાદિષ્ટ ભોજન અને દેશના સમૃદ્ધ ઇતિહાસ બંનેનો રોમાંચક અનુભવ મેળવી શકશે.

અમદાવાદના રિચ ફૂડ કલ્ચરનો અનિવાર્ય અને લોકપ્રિય હિસ્સો બની ચૂકેલા ‘જેલ ભજિયા હાઉસ’નું ટર્નઓવર પણ અગાઉ નોંધપાત્ર રહ્યું છે, અને હવે આ નવા હેરિટેજ ભવનના પ્રારંભ સાથે તે અમરીવાસીઓ અને પ્રવાસીઓ માટે એક મસ્ટ-વિઝિટ હબ બની રહેશે.