ગાંધીનગરમાં તરખાટ મચાવતી 'ચીખલીકર ગેંગ' ઝડપાઈ: 23 ઘરફોડ ચોરીના ગુનાઓનો પર્દાફાશ

ગાંધીનગર જિલ્લામાં છેલ્લા દોઢ વર્ષથી દહેગામ, ચિલોડા અને ડભોડા વિસ્તારમાં ઘરફોડ ચોરી કરી આતંક મચાવતી 'ચીખલીકર ગેંગ'ને લોકલ ક્રાઈમ બ્રાન્ચ (LCB) એ ઝડપી પાડી છે. જિલ્લા પોલીસ વડા રવિ તેજા વાસમશેટ્ટીએ આ અંગે માહિતી આપતા જણાવ્યું હતું કે, આ ગેંગના કુલ 5 આરોપીઓની ધરપકડ કરવામાં આવી છે.

પોલીસની સઘન તપાસમાં આ ગેંગ દ્વારા આચરવામાં આવેલી 23 ઘરફોડ ચોરીઓના ગુનાઓ ઉકેલાયા છે. દહેગામ વિસ્તારમાં રહેતા આ આરોપીઓ લાંબા સમયથી પોલીસને થાપ આપી રહ્યા હતા. પોલીસની આ સફળ કામગીરીને પગલે સ્થાનિક રહીશોમાં રાહતની લાગણી જોવા મળી રહી છે.હાલ પોલીસ દ્વારા આ ગેંગમાં સામેલ અન્ય સાગરિતોની શોધખોળ હાથ ધરવામાં આવી છે અને તેમને ઝડપી પાડવા માટે તપાસના ચક્રો ગતિમાન કરવામાં આવ્યા છે.