ગીર સોમનાથ જિલ્લા SOGને મળી મોટી સફળતા, ગાંજાના જથ્થા સાથે 1ની ધરપકડ

લાઠીમાંથી ગાંજાનો જથ્થો લાવી ઉનામાં વેચાણ કરતા શખ્સની જિલ્લા SOGએ ધરપકડ કરી. ઉનાના ટાવર ચોકમાંથી પોલિસએ આરોપીને ઝડપી પાડ્યો

ગીર સોમનાથ જિલ્લા પોલિસને મોટી સફળતા મળી છે, જિલ્લા SOG પોલિસએ 5.50 કિ.લો.ના જથ્થા સાથે એક શખ્સ ઝડપી પાડ્યો છે. ઉના ટાવર ચોક નજીક એક શખ્સ એક્ટિવામાં છૂટક ગાંજો વેચતો હોવાની બાતમીને આધારે પોલિસે દરોડા પાડ્યા હતા. ચોક્કસ બાતમીને આધારે પાડેલા દરોડામાં પોલિસએ ગાંજાના જથ્થા સાથે આરોપીને સકંજામાં લીધો છે. પોલિસની પ્રાથમિક તપાસમાં આરોપી ઉનાનો હોવાનું જાણવા મળ્યું છે જ્યારે આ શખ્સ અમરેલીના લાઠી ગામેથી ગાંજો લાવી વેચતો હોવાનો ઘટસ્ફોટ થયો છે. આ સમગ્ર મામલે પોલિસએ વધુ પૂછપરછ હાથ ધરી તપાસ શરૂ કરી છે.