ગૃહમંત્રી અમિત શાહ કાલે અમદાવાદમાં 36મી નેશનલ ગેમ્સનું ગીત અને માસ્કોટ લોન્ચ કરશે

ગુજરાતના CM ભૂપેન્દ્ર પટેલ અને કેન્દ્રીય મંત્રી અનુરાગ ઠાકુર હાજર રહેશે

36મી નેશનલ ગેમ્સની કર્ટેન રેઇઝર ઇવેન્ટ રવિવારે સાંજે અમદાવાદના EKA એરેના ટ્રાન્સસ્ટેડિયામાં યોજાવાની છે. આ કાર્યક્રમમાં કેન્દ્રીય ગૃહ મંત્રી અમિત શાહ, ગુજરાતના મુખ્યમંત્રી ભૂપેન્દ્ર પટેલ અને કેન્દ્રીય યુવા બાબતો અને રમતગમત મંત્રી અનુરાગ ઠાકુર હાજર રહેશે. આ ભવ્ય સમારંભમાં રાજ્યભરમાંથી 9,000થી વધુ પ્રતિષ્ઠિત મહેમાનો હાજરી આપે તેવી શક્યતા છે.

કર્ટેન રેઈઝર ઈવેન્ટમાં ગેમ્સ એન્થમ અને માસ્કોટના અનાવરણ તેમજ કસ્ટમ-ક્યુરેટેડ વેબસાઈટ અને મોબાઈલ એપ્લિકેશન જોવા મળશે, જે દેશના સૌથી મોટા સ્પોર્ટ્સ એક્સ્ટ્રાવેગેન્ઝાની શરૂઆત કરશે. ગુજરાતના મુખ્યમંત્રી ભૂપેન્દ્ર પટેલે જણાવ્યું હતું કે, અમને રાષ્ટ્રીય રમતોનું આયોજન કરવામાં આનંદ અને ગર્વ છે. અમે ભારતના ટોચના એથ્લેટ્સ અને અધિકારીઓની આતુરતાથી રાહ જોઈ રહ્યા છીએ અને આને અત્યાર સુધીની સર્વશ્રેષ્ઠ રમતો બનાવવા માટે કોઈ કસર છોડીશું નહીં. આ કાર્યક્રમમાં ગુજરાતના રમતગમત, યુવા અને સાંસ્કૃતિક પ્રવૃત્તિઓના મંત્રી હર્ષ સંઘવી, અમદાવાદના મેયર કિરીટકુમાર જે. પરમાર, ભારતીય ઓલિમ્પિક સંઘના કાર્યકારી પ્રમુખ અનિલ ખન્ના, શ્રીમતી સુજાતા ચતુર્વેદી, IAS, સચિવ, રમતગમત કેન્દ્રીય યુવા બાબતો અને રમતગમત મંત્રાલય સામેલ છે..

36મી નેશનલ ગેમ્સની થીમ સેલિબ્રેટિંગ યુનિટી થ્રુ સ્પોર્ટ્સ છે. સાત વર્ષ પછી નેશનલ ગેમ્સ યોજાઈ રહી છે. તે 29 સપ્ટેમ્બરથી 12 ઓક્ટોબર સુધી યોજાશે. આ ઈવેન્ટમાં રાજ્યના છ શહેરો અમદાવાદ, ગાંધીનગર, સુરત, વડોદરા, રાજકોટ અને ભાવનગર ભાગ લેશે. નવી દિલ્હી ટ્રેક સાયકલિંગ ઈવેન્ટનું પણ આયોજન કરશે. આ ગેમ્સ છેલ્લે કેરળમાં 2015માં યોજાઈ હતી.