જળસંચય માટે લોકોને જાગૃત કરવા માટે વડોદરામાં બાઈક રેલીનું આયોજન

સયાજીગંજ બેઠકમાં સમાવિષ્ટ વિસ્તારોમાં બાઈક રેલીનું આયોજન કરવામાં આવ્યું હતું.

વડોદરા શહેરમાં ભારતીય જનતા પક્ષના યુવા મોરચા દ્વારા સુજલામ સુફલામ જળ અભિયાન હેઠળ જળસંચય માટે વડોદરા શહેર નગરજનોને જાગૃત કરવાના ઉદેશ્યથી અકોટા અને સયાજીગંજ બેઠકમાં સમાવિષ્ટ વિસ્તારોમાં બાઈક રેલીનું આયોજન કરવામાં આવ્યું હતું.

પ્રદેશ યુવા મોરચાના પ્રમુખ ડો.ઋત્વિજ પટેલની અધ્યક્ષતા હેઠળ યુવા મોરચાના કાર્યકર્તાઓ અને કોર્પોરેટરોએ બાઈક રેલી યોજાઈ હતી. પાણી બચાવવાના સંકલ્પ સાથે વડોદરાવાસીઓ પાણીનો વ્યય અટકાવે તે માટેના પ્રયત્નો હાથ ધરવામાં આવી રહ્યાં છે.

રેલીમાં વડોદરા શહેરના સાંસદ અને શહેર પ્રમુખ રંજનબેન ભટ્ટ તથા પ્રદેશ મંત્રી શબ્દશરણ બહ્મભટ્ટ જોડાયા હતા. બાઇક રેલીનો પ્રારંભ પોલો ગ્રાઉન્ડથી કરવામાં આવ્યો હતો.