'મન કી બાત': PM મોદીએ મોઢેરા સૂર્ય મંદિરના ઐતિહાસિક વારસાને યાદ કર્યો

'મન કી બાત': PM મોદીએ મોઢેરા સૂર્ય મંદિરના ઐતિહાસિક વારસાને યાદ કર્યો

પ્રધાનમંત્રી નરેન્દ્ર મોદીએ આજે 'મન કી બાત' સંબોધનમાં ગુજરાતના ઐતિહાસિક અને સ્થાપત્ય કલાના ઉત્કૃષ્ટ નમૂના સમાન મોઢેરા સૂર્ય મંદિરની ગાથા દેશભરના નાગરિકો સાથે શેર કરી હતી. તેમણે જણાવ્યું હતું કે ઇતિહાસમાં અનેક આક્રમણોનો સામનો કરવા છતાં આપણી સાંસ્કૃતિક વિરાસત અખંડ રહી છે.

ઐતિહાસિક આક્રમણ અને પુનર્નિર્માણ: 

PM મોદીએ જણાવ્યું કે વર્ષ 1026માં જ્યારે સોમનાથ મંદિર પર આક્રમણ થયું હતું, તે જ અરસામાં મોઢેરાના પ્રખ્યાત સૂર્ય મંદિર પર પણ આક્રમણ કરવામાં આવ્યું હતું. પરંતુ, રાજા ભીમદેવ પ્રથમે ટૂંકા સમયમાં જ આ ભવ્ય મંદિરનું પુનર્નિર્માણ કરાવ્યું હતું.

આક્રમણો પછી પણ આપણી સંસ્કૃતિ અને પ્રતીકો પુનઃ બેઠા થયા તે ભારતની અડગ તાકાત દર્શાવે છે. આજે મોઢેરા માત્ર તેના પ્રાચીન સૂર્ય મંદિર માટે જ નહીં, પરંતુ દેશના પ્રથમ 'સૂર્યગ્રામ' (સોલાર વિલેજ) તરીકે વૈશ્વિક સ્તરે જાણીતું બન્યું છે, જ્યાં ઉર્જાની જરૂરિયાતો સૌર ઊર્જા દ્વારા સંતોષવામાં આવે છે.

નાગરિકોને અપીલ:

પ્રધાનમંત્રીએ દેશવાસીઓને અપીલ કરી છે કે તેઓ સમય કાઢીને મોઢેરાની મુલાકાત લે અને ભારતના ગૌરવશાળી સાંસ્કૃતિક વારસા તેમજ આધુનિક વિકાસના આ અદ્ભુત સમન્વયનો જાત અનુભવ કરે.