મુખ્યમંત્રી ભૂપેન્દ્ર પટેલની ઉપસ્થિતિમાં AMAના પ્રેસિડેન્ટ તથા અન્ય સભ્યોનો શપથગ્રહણ સમારોહ યોજાયો

મુખ્યમંત્રીએ ડોક્ટરોએ હડતાલ પર ઉતરવું ના જોઈએ કારણ કે ડોક્ટરોના હડતાળ પર ઉતરવાથી દર્દીઓને તકલીફ પડે છે

અમદાવાદ મેડિકલ એસોસિએશનના નવા પ્રમુખની આજે વરણી કરવામાં આવી હતી. A M A. ના નવા પ્રમુખ તરીકે ડોક્ટર તુષાર પટેલ અને તેમની ટીમની મુખ્યમંત્રી ભુપેન્દ્ર પટેલની હાજરીમાં ઇન્સ્ટોલેશન સેરેમની યોજાઈ હતી. આ પ્રસંગે મુખ્યમંત્રી ભુપેન્દ્ર પટેલે કહ્યું હતું કે , અમદાવાદ  મેડિકલ એસોસિએશન સમાજની સાથે રહીને ખુબ જ સુંદર કામ કરી રહ્યું છે. તેમણે ડોકટરોને અનુરોધ કર્યો હતો કે કોઈપણ સંજોગોમાં ડોક્ટરોએ હડતાલ પર ઉતરવું ના જોઈએ કારણ કે ડોક્ટરોના હડતાળ પર ઉતરવાથી દર્દીઓને તકલીફ પડે છે. આ અવસરે નવા પ્રમુખ ડો. તુષાર પટેલે ટીબી નાબૂદી અભિયાન કેન્દ્ર સરકાર સાથે રહીને કરવાની તેમજ અમદાવાદની 410 સ્કુલના એક લાખ 70 હજાર વિદ્યાર્થીઓને CPRની તાલીમ આપવાની જાહેરાત કરી હતી.