રાજ્ય સરકારનો મહત્ત્વપૂર્ણ નિર્ણય, શ્રમિકોના માસિક વેતનમાં કર્યો વધારો

રાજ્યના આશરે બે કરોડથી વધુ શ્રમિકોને લાભ થશે.

પ્રવક્તા મંત્રી ઋષિકેશ પટેલે જણાવ્યું કે, રાજ્યના શ્રમિકોનું માસિક લઘુત્તમ વેતન રૂ.11,466થી વધીને ખાસ ભથ્થા સાથે વેતન રૂ.12,012 થશે. આ વધારાથી રાજ્યના આશરે બે કરોડથી વધુ શ્રમિકોને લાભ થશે. શ્રમિકોના હિતો અને કલ્યાણને વરેલી રાજ્ય સરકારે ચાલુ વર્ષે બજેટ સત્ર દરમિયાન વર્ષ-2023માં શ્રમિકોના લઘુત્તમ વેતનમાં 25 ટકા જેટલો માતબર વધારો કર્યો હતો. હવે, માસિક રૂ.546નું ખાસ ભથ્થુ તેમના વેતનમાં આપવામાં આવશે. રાજ્યના ઝોન-૧ અને ઝોન-૨ના કુશળ, અર્ધ કુશળ અને બિન કુશળ કેટેગરીનાં તમામ શ્રમિકોના વેતનમાં ખાસ ભથ્થા તરીકે દૈનિક રૂ.21 આપવામાં આવશે, જે તા.1 ઓક્ટોબર 2023થી તા.31મી માર્ચ 2024 સુધી અમલમાં રહેશે.