સાબરકાંઠા : પોળોના જંગલમાં પ્રવાસીઓનું આગમન

સાબરકાંઠા જિલ્લામાં આવેલા વિજયનગર પોળોના જંગલમાં લગાવેલો પ્રતિબંધ હટાવી લેવાયો છે.જેથી રવિવારે મોટી સંખ્યામાં પ્રવાસીઓ અહીં આવ્યા હતા.અહીં દૂર દૂરથી લોકો કુદરતી સૌંદર્યને માણવા માટે આવતા હોય છે. આ પોળો મિની કાશ્મીર તરીકે પણ પ્રખ્યાત છે.અહીં વડોદરા, સુરત, અમદાવાદ, અને રાજસ્થાનથી પણ સહેલાણીઓ આવે છે.. પ્લાસ્ટિકમુક્ત ભારત બનાવવા માટે અમદાવાદની Youth Hostels Association of India જેવી 2 સંસ્થાઓ  2 દિવસથી અભિયાન ચલાવે છે.આ સાથે જ પ્રવાસીઓને પર્યાવરણના જતન માટે પણ સમજ આપવામાં આવી હતી.. કોરોના મહામારીના કારણે  સાબરકાંઠાના જિલ્લા કલેક્ટરે જાહેર સ્થળો પર પ્રવાસીઓ માટે પ્રતિબંધ લગાવ્યો હતો, પરંતુ હવે આ પ્રતિબંધ હટાવી લેતા મોટી સંખ્યામાં પ્રવાસીઓ આવી રહ્યા છે.