સેલવાસના નગરખડ ખાતે અટલબિહારી બાજપાઈને કરાયા શ્રદ્ધાસુમન અર્પણ

કાર્યક્રમમાં કેન્દ્રીયમંત્રી મનસુખભાઇ માંડવીયાએ સદગત બાજપાઈ માટે પોતાના વિચારો અને અનુભવો રજુ કર્યા

કેન્દ્ર શાસિત પ્રદેશ સેલવાસના નગરખડ ખાતે પૂર્વ પ્રધાનમંત્રી અટલબિહારી બાજપાઈને શ્રદ્ધાસુમન અર્પણ કરવામા આવ્યા હતા. સાથે પ્રદેશ ભાજપ દ્વારા પ્રાર્થનાસભાનું આયોજન પણ કરવામાં આવ્યુ હતુ.આ કાર્યક્રમમાં કેન્દ્રીયમંત્રી મનસુખભાઇ માંડવીયાએ સદગત બાજપાઈ માટે પોતાના વિચારો અને અનુભવો રજુ કર્યા હતા. બાજપાઈજીના જીવન ચરિત્ર દર્શાવતી ફિલ્મ પણ દર્શાવવામાં આવી હતી.આ કાર્યકમમાં સાંસદ નટુભાઇ પટેલ, રઘુનાથ કુલકર્ણી, પ્રદેશ પ્રમુખ હસમુખ ભંડારી, નગર પાલિકા પ્રમુખ રાકેશસિંહ ચૌહાણ સહિત મોટી સંખ્યામાં નગરજનોએ ઉપસ્થિથ રહી અટલજીને શ્રદ્ધાસુમન અર્પણ કર્યા હતા.