૨૪મી ઓલ ઇન્ડિયા પોલીસ લોન ટેનિસ ચેમ્પિયનશિપ ૨૦૨૩ના પૂર્ણાહુતિ કાર્યક્રમમાં મુખ્યમંત્ર ઉપસ્થિત રહ્યા

રિવરફ્રન્ટ અમદાવાદ ખાતે ૨૪મી ઓલ ઇન્ડિયા પોલીસ લોન ટેનિસ ચેમ્પિયનશિપ ૨૦૨૩ના પૂર્ણાહુતિ કાર્યક્રમમાં મુખ્યમંત્રી ભૂપેન્દ્ર પટેલ ઉપસ્થિત રહ્યા હતા..મુખ્યમંત્રીના હસ્તે પોલીસ લોન ટેનિસ વિજેતાઓને એવોર્ડથી સન્માનિત કરાયા હતા.

આ પ્રસંગે તમણે જણાવ્યું હતું કે, પ્રધાનમંત્રીએ દેશને ફિટ ઇન્ડિયાનો મંત્ર આપીને રમતગમત ક્ષેત્રે લોકોને પ્રોત્સાહન પૂરુંપાડ્યું છે અને દેશના યુવાનોને રમતગમત ક્ષેત્રે આગળ વધવા પ્રેરિત કર્યા છે.સાથે જણાવ્યું કે,  ઓલ ઇન્ડિયા પોલીસ સ્પોર્ટ્સ કંટ્રોલ બોર્ડ દ્વારા પણ લોન ટેનિસ જેવી સ્પર્ધાઓનું આયોજન કરવામાં આવે છે, તે સરાહનીય છે.

આ કાર્યક્રમમાં રાજ્ય પોલીસ વડા વિકાસ સહાય, ઓલ ઇન્ડિયા પોલીસ સ્પોર્ટ્સ કંટ્રોલ બોર્ડના ચેરમેન રાહુલ રસગોત્રા, અમદાવાદનાં મેયર પ્રતિભા જૈન, સાંસદ નરહરિ અમીન, અને હસમુખ પટેલ, ધારાસભ્ય હર્ષદ પટેલ, તેમજ વિવિધ રાજ્યમાંથી આવેલ લોન ટેનિસ પોલીસ ટીમ, તેમજ જિલ્લા અને રાજ્યના વિવિધ પોલીસ અધિકારીઓ ઉપસ્થિત રહ્યા હતા.