GNLU ખાતે રાજ્યપાલ દેવવ્રતજીના અધ્યક્ષ સ્થાને કામધેનુ યુનિવર્સિટીનો 10મો પદવીદાન સમારંભ યોજાશે

કામધેનુ યુનિવર્સિટીનો 10મો પદવીદાન સમારંભ આવતીકાલે તા. 05 માર્ચ 2024 ના રોજ ગુજરાતના રાજ્યપાલ આચાર્ય દેવવ્રતજીના અધ્યક્ષ સ્થાને ગુજરાત નેશનલ લો યુનિવર્સિટી, ગાંધીનગર ખાતે યોજાશે. 

આ પદવીદાન સમારંભમાં કામધેનુ યુનિવર્સિટીના વિવિધ વિદ્યાશાખાના સ્નાતક કક્ષાના 587 વિદ્યાર્થીઓ, અનુસ્નાતક કક્ષાના 154 વિદ્યાર્થીઓને અને પીએચ.ડી.ના 44 વિદ્યાર્થીઓને પદવી એનાયત કરવામાં આવશે. આ ઉપરાંત 19 વિદ્યાર્થીઓને 42 મેડલ અને 22 વિદ્યાર્થીનીઓને 59 મેડલ એમ કુલ મળી 41 વિધાર્થીઓને 101 મેડલ આપવામાં આવશે.  

આ સમારંભમાં કૃષિ અને પશુપાલન મંત્રી રાઘવજી પટેલ અને પંડિત દીનદયાળ ઉપાધ્યાય પશુચિકિત્સા વિજ્ઞાન યુનિવર્સિટીના કુલપતિ ડૉ. એ. કે. શ્રીવાસ્તવ ઉપસ્થિત રહી વિદ્યાર્થીઓને માર્ગદર્શન આપશે.