NFSU ગાંધીનગરને પ્રતિષ્ઠિત 'ઇન્ડિયા ફાર્મા એવોર્ડ-2025': ડ્રગ અને ફૂડ ફોરેન્સિક્સમાં શ્રેષ્ઠતા

નેશનલ ફોરેન્સિક સાયન્સિસ યુનિવર્સિટી (NFSU), ગાંધીનગરના સેન્ટર ઓફ ફૂડ ટેક્નોલોજી એન્ડ ફોરેન્સિક્સ (FTF)ને સન્માન.

ગ્રેટર નોઈડા ખાતે યોજાયેલા સમારોહમાં પ્રતિષ્ઠિત CPHI "ઇન્ડિયા ફાર્મા એવોર્ડ-2025" પ્રાપ્ત.ડ્રગ અને ફૂડ ફોરેન્સિક્સના ક્ષેત્રોમાં સંશોધન અને વિકાસ માટે એવોર્ડ મળ્યો.દેશ-વિદેશના સેંકડો સ્પર્ધકોમાંથી NFSU ઉપરાંત ટીસીએસ અને ડો. રેડ્ડી કંપની ટોચના ત્રણ ફાઇનલિસ્ટ હતા, જેમાં NFSU વિજેતા બન્યું.આ વાર્ષિક પુરસ્કાર એવી સંસ્થાઓને આપવામાં આવે છે, જેમણે ઉદ્યોગ ક્ષેત્રે પરિવર્તનકારી અસર ઊભી કરી હોય અને ફાર્મા ક્ષેત્રે નોંધપાત્ર સંશોધન કર્યું હોય.

 "પદ્મશ્રી" ડૉ. જે.એમ. વ્યાસે જણાવ્યું કે આ પુરસ્કાર NFSUના વૈજ્ઞાનિક અભિગમ, ટેક્નોલોજિકલ પૃથક્કરણ અને રાષ્ટ્રની મદદ માટેની કટિબદ્ધતાનું પરિણામ છે. પ્રો. (ડૉ.) એસ.ઓ. જુનારેએ જણાવ્યું કે NFSUનું FTF કેન્દ્ર ઔદ્યોગિક ક્ષેત્રે વણઉકેલાયેલી સમસ્યાઓના ઉકેલમાં શ્રેષ્ઠતા પ્રદાન કરી રહ્યું છે.આ કેન્દ્ર દ્વારા માત્ર ભારતીય ફાર્મા ક્ષેત્રને જ નહીં, પરંતુ ઘણી વિદેશી ઔદ્યોગિક સંસ્થાઓને પણ મદદ પ્રાપ્ત થઈ રહી છે.NFSU ગાંધીનગરનો આ પુરસ્કાર વૈશ્વિક સ્તરે ફોરેન્સિક સાયન્સના ક્ષેત્રમાં ગુજરાતના યોગદાનને ઉજાગર કરે છે.