PM-USHA યોજના અંતર્ગત સૌરાષ્ટ્ર યુનિવર્સિટીને 100 કરોડ રૂપિયાની ગ્રાન્ટ મંજૂર

પ્રધાનમંત્રી નરેન્દ્ર મોદીએ આજે દેશભરની કેટલીક ઉચ્ચ શૈક્ષણિક સંસ્થાઓમાં માળખાગત સુવિધાઓને અપગ્રેડ કરવા માટે અનેક પરિયોજનાઓનું ઉદઘાટન, લોકાર્પણ અને શિલાન્યાસ કર્યો હતો. જેમાં પ્રધાનમંત્રી નરેન્દ્ર મોદી દ્વારા PM-USHA યોજનાનું જમ્મુથી ડિજીટલી લોન્ચીંગ કરવામાં આવ્યું હતું. ગુણવત્તાયુક્ત શિક્ષણ, ICT આધારીત શિક્ષણ, સંશોધનને પ્રાધાન્ય આપવા શરૂ કરાયેલ આ યોજના શરૂ કરાઈ છે

આ અંતર્ગત PM-USHA યોજના અંતર્ગત સૌરાષ્ટ્ર યુનિવર્સિટીને સરકાર દ્વારા 100 કરોડ રૂપિયાની ગ્રાન્ટ મંજૂર કરવામાં આવી છે. આ પ્રસંગે  સૌરાષ્ટ્ર યુનિવર્સિટીના કુલપતિ  નીલાંબરી દવેએ જણાવ્યું હતું કે PM-USHA યોજનાના માધ્યમથી સંશોધનને વેગ મળશે. કુલપતિએ સૌરાષ્ટ્ર યુનિવર્સિટી પરિવાર વતી પ્રધાનમંત્રી  નરેન્દ્ર મોદી અને શિક્ષણ મંત્રી ધર્મેન્દ્ર પ્રધાનનો આભાર વ્યક્ત કર્યો  હતો