અમેરિકાએ ઈરાન સાથે વ્યાપક યુદ્ધથી કર્યો ઈન્કાર

અમેરિકાએ ઈરાન સાથે વ્યાપક યુદ્ધથી કર્યો ઈન્કાર, જોર્ડનમાં ડ્રોન હુમલામાં મોતને ભેટેલા અમેરિકન સૈનિકોના મોત મામલે ઈરાનને ગણાવ્યું જવાબદાર

જોર્ડન-સીરિયા સરહદ પર સ્થિત અમેરિકી સૈન્ય મથકો પર થયેલા ડ્રોન હુમલામાં 3 અમેરિકી સૈનિકોના મોત બાદ અમેરિકી વહીવટીતંત્ર એ કહ્યું કે, અમેરિકા ઈરાન સાથે વ્યાપક યુદ્ધ ઇચ્છતું નથી. વ્હાઈટ હાઉસના રાષ્ટ્રીય સુરક્ષા પ્રવક્તાએ કહ્યું કે, અમે યુદ્ધ નથી ઈચ્છતા. અમેરિકાએ હુમલા માટે ઈરાન તરફી ઉગ્રવાદી જૂથને જવાબદાર ગણાવું છે. જોકે, ઈરાને આ આરોપોને ફગાવ્યા છે. આ પહેલા અમેરિકી રાષ્ટ્રપતિ જો બાઈડને કહ્યું કે, અમેરિકા પોતાની રીતે બદલો લેશે. 

બ્રિટિશના પ્રધાનમંત્રી ઋષિ સુનકે સોમવારે કહ્યું કે, તેઓ પશ્ચિમ એશિયામાં તણાવને લઈને ચિંતિત છે. તેમણે ઈરાનને સીરિયાની સરહદ નજીક ઉત્તરપૂર્વ જોર્ડનમાં અમેરિકી સૈનિકો પર હુમલા બાદ તણાવ ઓછો કરવા વિનંતી કરી છે. ઋષિ સુનકે કહ્યું કે, બ્રિટન ડ્રોન હુમલાની નિંદા કરે છે. સુનકે કહ્યું કે અમે પ્રદેશમાં સ્થિરતા અને શાંતિ માટે અમારા સહયોગીઓ સાથે મજબૂતીથી ઊભા છીએ.