આજે દેશભરમાં હર્ષોલ્લાસ સાથે ઉજવવામાં આવી રહ્યો છે ઈસ્ટરનો તેહવાર

ઇસ્ટરનો તહેવાર આજે સમગ્ર વિશ્વમાં ઉજવવામાં આવી રહ્યો છે. દેશભરમાં હર્ષોલ્લાસ સાથે ઈસ્ટરની ઉજવણી કરાઈ છે...ચર્ચમાં પ્રાર્થના કરી ખ્રિસ્તી ધર્મનાં અનુયાયીએ એક બીજાને ઈસ્ટરની શુભકામના પાઠવી હતી. ઈસ્ટરએ ખ્રિસ્તી લોકો દ્વારા ઉજવાતો એક તહેવાર છે. આ તહેવાર ઇસુના પુનરુત્થાનની યાદમાં ઉજવવામાં આવે છે. આ તહેવારની તિથિ બદલાતી રહે છે તો પણ 22 માર્ચથી 25 એપ્રિલ વચ્ચેના રવિવારે આ તહેવાર આવતો હોય છે. આમતો ઈસ્ટર રવિવાર પૂરતો જ મર્યાદિત છે, પરંતુ આ તહેવારમાં આગળના ત્રણ દિવસનો પણ સમાવેશ કરવામાં આવે છે.

રાષ્ટ્રપતિ દ્રૌપદી મુર્મુએ ભારત અને વિદેશમાં વસતા નાગરિકોને, ખાસ કરીને ખ્રિસ્તીઓને ઈસ્ટરના અવસર પર શુભેચ્છા પાઠવી છે. તેણીના સંદેશમાં, તેણીએ કહ્યું, આ તહેવાર ઈસુ ખ્રિસ્તના પુનરુત્થાનની ઉજવણીને ચિહ્નિત કરે છે અને પ્રેમ અને કરુણાનું પ્રતીક છે. ઉપપ્રમુખ જગદીપ ધનખરે પણ લોકોને ઈસ્ટરની શુભેચ્છા પાઠવી હતી. તેમના સંદેશમાં, જગદીપ ધનખરે જણાવ્યું હતું કે, ભગવાન ઇસુ ખ્રિસ્તના પુનરુત્થાનની યાદમાં ઇસ્ટરનો તહેવાર પ્રેમ, કરુણા અને ક્ષમાના ગહન પ્રભાવની કરુણાપૂર્ણ યાદ અપાવે છે.

પ્રધાનમંત્રી નરેન્દ્ર મોદીએ દરેકને ઇસ્ટરની શુભેચ્છા પાઠવી હતી. પ્રધાનમંત્રી નરેન્દ્ર મોદીએ કહ્યું, અમે આશા રાખીએ છીએ કે નવીકરણ અને આશાવાદનો સંદેશ ચારે તરફ ફરી વળે. તેમણે ઉમેર્યું કે આ દિવસ આપણને બધાને સાથે આવવાની પ્રેરણા આપે.