ઇન્ડોનેશિયા, અફઘાનિસ્તાન અને બ્રાઝિલમાં પૂરનો કહેર, સેંકડો લોકોના મોત

ઈન્ડોનેશિયાના પશ્ચિમ સુમાત્રા પ્રાંતમાં ભારે વરસાદને કારણે આવેલા ભારે પૂર અને ભૂસ્ખલન બાદ 28 લોકોના મોત થયા છે અને ચાર લોકો ગુમ છે.

અફઘાનિસ્તાનમાં પણ પૂરને કારણે લગભગ 315 લોકોના મોત થયા છે, જ્યારે 1600થી વધુ લોકો ઘાયલ થયા છે. અફઘાનિસ્તાનના ઘણા પ્રાંત આ પૂરથી પ્રભાવિત થયા છે. અફઘાનિસ્તાનના અધિકારીઓએ એમ પણ કહ્યું છે કે શુક્રવારે ભારે વરસાદને કારણે ઘણા લોકો લાપતા છે.

તે જ સમયે, બ્રાઝિલના દક્ષિણ ભાગમાં સતત વરસાદને કારણે શનિવારે પાણી ભરાઈ જવાની સ્થિતિ સર્જાઈ હતી. અહીં પૂરના કારણે મૃત્યુઆંક 136 પર પહોંચી ગયો છે. આ પૂરથી 20 લાખથી વધુ લોકો પ્રભાવિત થયા છે. પાંચ લાખ 37 હજારથી વધુ લોકોને ઘર છોડવાની ફરજ પડી છે.