ઈઝરાયેલના હવાઈ હુમલામાં 36 સીરિયન સૈનિકો સહિત 40થી વધુ લોકો માર્યા ગયા

શુક્રવારે અલેપ્પો પ્રાંતમાં ઈઝરાયેલના હવાઈ હુમલામાં 36 સીરિયન સૈનિકો સહિત 40થી વધુ લોકો માર્યા ગયા. 24 કલાકમાં આ બીજો હુમલો હતો. અહેવાલો અનુસાર, ઇઝરાયેલના હવાઈ હુમલાઓએ લેબનોનના હિઝબુલ્લાહના રોકેટ ડેપોને નિશાન બનાવ્યું હતું. માર્યા ગયેલા લોકોમાં હિઝબુલ્લાહ જૂથના છનો સમાવેશ થાય છે. સીરિયાની રાજ્ય સમાચાર એજન્સી SANA અનુસાર, આ હુમલો સવારના કલાકોમાં થઈ હતી અને ઉમેર્યું હતું કે હુમલામાં નાગરિકો પણ ઘાયલ થયા હતા.

2011 માં ગૃહ યુદ્ધ ફાટી નીકળ્યું ત્યારથી ઇઝરાયેલે સીરિયામાં સેંકડો હવાઈ હુમલાઓ શરૂ કર્યા છે. હવાઈ હુમલાઓ સૈન્ય સ્થાનો તેમજ દમાસ્કસ અને પેલેસ્ટિનિયન આતંકવાદી જૂથ હમાસના સાથી હિઝબુલ્લા સહિત ઈરાન સમર્થિત દળોને નિશાન બનાવે છે. તમને જણાવી દઈએ કે ગયા વર્ષે 7 ઓક્ટોબરે હમાસ સાથે ઇઝરાયેલનું યુદ્ધ શરૂ થયું ત્યારથી હુમલામાં વધારો થયો છે.