કેનેડાના વડા પ્રધાન માર્ક કાર્ની આવશે ભારતની મુલાકાતે

કેનેડાના વડા પ્રધાન માર્ક કાર્ની આવતા વર્ષે ભારતની મુલાકાતે આવશે. દક્ષિણ આફ્રિકામાં G-20 સમિટ દરમિયાન દ્વિપક્ષીય વાટાઘાટો બાદ, પ્રધાનમંત્રી નરેન્દ્ર મોદીએ કાર્નીને ભારતની મુલાકાત લેવાનું આમંત્રણ આપ્યું, જેનો તેમણે સ્વીકાર કર્યો.

"વડા પ્રધાન કાર્નીએ 2026 ની શરૂઆતમાં ભારતની મુલાકાત લેવાનું  પ્રધાનમંત્રી મોદીનું આમંત્રણ સ્વીકાર્યું છે," કેનેડાના વડા પ્રધાન કાર્યાલય દ્વારા રવિવારે જારી કરાયેલા એક નિવેદનમાં જણાવાયું છે.

2023 માં કેનેડાના તત્કાલીન વડા પ્રધાન જસ્ટિન ટ્રુડોએ હરદીપ સિંહ નિજ્જરની હત્યામાં ભારતની સંડોવણીનો આરોપ લગાવ્યા બાદ ભારત-કેનેડા સંબંધોમાં નોંધપાત્ર ઘટાડો થયો હતો. ભારતે ટ્રુડોના આરોપોને વાહિયાત ગણાવ્યા હતા. તાજેતરના મહિનાઓમાં બંને પક્ષોએ તેમના સંબંધોને સામાન્ય બનાવવા માટે ઘણા પગલાં લીધા છે.