ટ્રમ્પનું 'વન બીગ બ્યુટીફુલ બીલ' પસાર:ટ્રમ્પે કહ્યુ અમેરીકાના નવા યુગની શરુઆત

અમેરિકામાં મધ્યમ વર્ગના લોકો માટે કરવેરા પર એક મોટો નિર્ણય લેવામાં આવ્યો છે. ડોનાલ્ડ ટ્રમ્પનો 'વન બીગ બ્યુટીફુલ બીલ'  શુક્રવારે યુએસ સેનેટ અને હાઉસ ઓફ રિપ્રેઝન્ટેટિવ્સ દ્વારા પસાર કરવામાં આવ્યો હતો. તે 218-214 મતોથી પસાર થયો હતો. તેમાં કરવેરા ઘટાડા અને સામાજિક સુરક્ષા યોજનાઓ પર ખર્ચમાં કાપ મૂકવાનો પણ પ્રસ્તાવ છે. બિલ પસાર થયા પછી, યુએસ રાષ્ટ્રપતિ ડોનાલ્ડ ટ્રમ્પ તેમના સમર્થકોમાં ઉજવણી કરતા જોવા મળ્યા.

અમેરિકામાં મધ્યમ વર્ગના લોકો માટે કરવેરા પર એક મોટો નિર્ણય લેવામાં આવ્યો છે. ડોનાલ્ડ ટ્રમ્પનો 'વન બીગ બ્યુટીફુલ બીલ'  શુક્રવારે યુએસ સેનેટ અને હાઉસ ઓફ રિપ્રેઝન્ટેટિવ્સ દ્વારા પસાર કરવામાં આવ્યો હતો. તે 218-214 મતોથી પસાર થયો હતો. તેમાં કરવેરા ઘટાડા અને સામાજિક સુરક્ષા યોજનાઓ પર ખર્ચમાં કાપ મૂકવાનો પણ પ્રસ્તાવ છે. બિલ પસાર થયા પછી, યુએસ રાષ્ટ્રપતિ ડોનાલ્ડ ટ્રમ્પ તેમના સમર્થકોમાં ઉજવણી કરતા જોવા મળ્યા.

આ બિલ ટિપ્સ અને ઓવરટાઇમ પર કોઈ કર નહીં આપવાનો પ્રસ્તાવ મૂકે છે. ટ્રમ્પે પોતાના સંબોધનમાં કહ્યું, "સ્વતંત્રતા દિવસ નિમિત્તે અમેરિકા માટે વન બીગ બ્યુટીફુલ બીલ' કરતાં વધુ સારી ભેટ કોઈ હોઈ શકે નહીં. આ બિલ સાથે, 2024 માં આયોવાના લોકોને મારા દ્વારા આપવામાં આવેલ દરેક મોટું વચન પૂર્ણ થયું છે."

ડોનાલ્ડ ટ્રમ્પે કહ્યું, "જેમ મેં વચન આપ્યું હતું, અમે ટ્રમ્પ ટેક્સ કાપને કાયમી બનાવી રહ્યા છીએ અને હવે ટિપ્સ પર કોઈ ટેક્સ, ઓવરટાઇમ પર કોઈ ટેક્સ અને સામાજિક સુરક્ષા પર કોઈ ટેક્સ નહીં લાગે. આયોવા માટે સૌથી અગત્યનું, આ બિલ 20 લાખથી વધુ ફેમિલી ફાર્મ્સને કહેવાતા એસ્ટેટ ટેક્સ અથવા 'ડેથ ટેક્સ'થી સુરક્ષિત કરે છે."

ડોનાલ્ડ ટ્રમ્પે "વન બિગ બ્યુટીફુલ બિલ" પસાર થવાની પ્રશંસા કરી. તેમણે તેને અમેરિકાના "નવા સુવર્ણ યુગ" ની શરૂઆત ગણાવી અને શુક્રવારે સાંજે વ્હાઇટ હાઉસ ખાતે હસ્તાક્ષર સમારોહની જાહેરાત કરી.

ડોનાલ્ડ ટ્રમ્પે સોશિયલ મીડિયા પ્લેટફોર્મ 'ટ્રુથ' પર લખ્યું, "યુએસ હાઉસ ઓફ રિપ્રેઝન્ટેટિવ્સમાં રિપબ્લિકનોએ હમણાં જ 'વન બિગ બ્યુટીફુલ બિલ એક્ટ' પસાર કર્યો છે. અમારી પાર્ટી પહેલા કરતાં વધુ એક થઈ ગઈ છે. યુનાઇટેડ સ્ટેટ્સના લોકો પહેલા કરતાં વધુ સમૃદ્ધ, સુરક્ષિત અને ગર્વિત થશે. હાઉસ સ્પીકર માઇક જોહ્ન્સન, સેનેટ બહુમતી નેતા જોન થુન અને અમારા વચનો પૂરા કરવામાં મદદ કરનારા તમામ અદ્ભુત રિપબ્લિકન કાયદા નિર્માતાઓનો આભાર." ટ્રમ્પે આગળ લખ્યું, "એકસાથે મળીને આપણે એવી વસ્તુઓ કરી શકીએ છીએ જે એક વર્ષ પહેલા પણ અકલ્પનીય હતી. આપણે કામ કરતા રહીશું અને જીતીશું. અમેરિકાને અભિનંદન!"