નેપાળના પ્રધાનમંત્રી દિલ્હીની લેશે મુલાકાત, PM મોદીએ આપ્યું આમંત્રણ

નેપાળના પ્રધાનમંત્રી કેપી શર્મા ઓલી 16-17 સપ્ટેમ્બરે દિલ્હીની બે દિવસની મુલાકાતે જશે. પ્રધાનમંત્રી  કાર્યાલયે રવિવારે એક નિવેદનમાં જણાવ્યું હતું કે પ્રધાનમંત્રી ઓલીની દિલ્હીની મુલાકાતને અંતિમ સ્વરૂપ આપવામાં આવ્યું છે અને તેઓ 16 સપ્ટેમ્બરે બે દિવસની મુલાકાતે દિલ્હી પહોંચશે. નિવેદનમાં કહેવામાં આવ્યું છે કે આ મુલાકાત પ્રધાનમંત્રી નરેન્દ્ર મોદીના આમંત્રણ પર થવા જઈ રહી છે.

નેપાળના પ્રધાનમંત્રી  ઓલીએ સત્તામાં એક વર્ષ પૂર્ણ કર્યું છે, પરંતુ અત્યાર સુધી ભારતની મુલાકાત ન લેવાને કારણે દેશમાં તેમની ઘણી ટીકા થઈ રહી છે. આને ધ્યાનમાં રાખીને, ભારત તરફથી મુલાકાત માટે ઔપચારિક આમંત્રણને એક મોટી સિદ્ધિ માનવામાં આવી રહી છે.

જોકે, આ વિષય પર, કાઠમંડુમાં ભારતીય દૂતાવાસ અને દિલ્હીમાં નેપાળી દૂતાવાસના અધિકારીઓ કહે છે કે મુલાકાત માટે વાતચીત ચાલી રહી છે, પરંતુ તેમને હજુ સુધી તારીખ નક્કી થવાની માહિતી મળી નથી.