પ્રધાનમંત્રી મોદી આજે ગુયાનાની સંસદને સંબોધિત કરશે

પ્રધાનમંત્રી નરેન્દ્ર મોદી આજે ગુયાનાની મુલાકાત દરમિયાન ગયાના સંસદના વિશેષ સત્રને સંબોધિત કરશે. આ તેમની વૈશ્વિક રાજદ્વારી જોડાણની બીજી મહત્વપૂર્ણ ક્ષણ હશે. આવી સ્થિતિમાં તેમની ગયાનાની મુલાકાત ઘણી મહત્વપૂર્ણ છે. આવો 14મો પ્રસંગ હશે જ્યારે પીએમ મોદી વિદેશની સંસદમાં ભારત વતી બોલશે.

પ્રધાનમંત્રી મોદી તેમના 3 દેશના પ્રવાસના ભાગરૂપે ગયાનાની મુલાકાતે છે. તેઓએ પહેલાં નાઈજીરિયા અને પછી બ્રાઝિલ ગયા હતા. તેમની મુલાકાત દરમિયાન તેઓ ગયાનાની સંસદને પણ સંબોધિત કરશે. આ 14મો પ્રસંગ હશે જ્યારે પ્રધાનમંત્રી મોદી વિદેશની સંસદોમાં ભારતના લોકો વતી બોલશે.

પીએમ મોદી સૌથી વધુ વખત વિદેશી સંસદોને સંબોધિત કરવાનું ગૌરવ ધરાવે છે. પૂર્વ પ્રધાનમંત્રી મનમોહન સિંહે 7 વખત આવા સંબોધન આપ્યા હતાં, જ્યારે પ્રધાનમંત્રી મોદીએ 14 વખત વિદેશી સંસદોને સંબોધિત કર્યા છે. પીએમ મોદીએ અમેરિકાથી લઈને યુરોપ, આફ્રિકા, ઓસ્ટ્રેલિયા અને એશિયા સુધી વિશ્વભરની વિધાનસભાઓમાં ભાષણ આપ્યા છે. છેલ્લા કેટલાક વર્ષોમાં, પીએમ મોદીએ યુએસથી લઈને યુરોપ, આફ્રિકા, ઓસ્ટ્રેલિયા અને એશિયા સુધી વિશ્વભરની વિધાનસભાઓમાં ભાષણો આપ્યા છે. તેમના સંબોધનો કે જે ખંડોને પાર કરે છે તે વૈશ્વિક મંચ પર ભારતના વધતા પ્રભાવનો પુરાવો છે. 

પ્રધામંત્રીને યુએસ કોંગ્રેસના સંયુક્ત સત્રને 2 વખત સંબોધન કર્યું છે, એક વખત 2016માં અને બીજી વખત 2023માં. 2014માં પ્રધાનમંત્રીએ ઓસ્ટ્રેલિયા અને ફિજીની સંસદોને સંબોધિત કરી હતી અને 2015માં બ્રિટિશ સંસદને પણ સંબોધિત કરી હતી. આફ્રિકામાં, પ્રધાનમંત્રી મોદીએ 2015માં મોરેશિયસની નેશનલ એસેમ્બલી અને 2018માં યુગાન્ડાની સંસદને સંબોધિત કરી હતી. એટલું જ નહીં, એશિયામાં, વડા પ્રધાને 2014માં ભૂટાની સંસદ અને નેપાળ બંધારણ સભાના સંયુક્ત સત્રને, 2015માં શ્રીલંકા, મંગોલિયા અને અફઘાનિસ્તાનની સંસદ અને 2019માં માલદીવની સંસદને સંબોધિત કરી હતી.

પ્રધાનમંત્રી નરેન્દ્ર મોદીને તેમના 3 દેશના પ્રવાસના છેલ્લા તબક્કામાં ગયાનાના સર્વોચ્ચ રાષ્ટ્રીય પુરસ્કાર 'ધ ઓર્ડર ઓફ એક્સેલન્સ'થી સન્માનિત કરવામાં આવ્યા હતા. ગયાનાના રાષ્ટ્રપતિ મોહમ્મદ ઈરફાન અલીએ તેમને આ એવોર્ડ એનાયત કર્યો હતો. પ્રધાનમંત્રી  મોદીને વૈશ્વિક સમુદાય માટે તેમની અસાધારણ સેવા, એક રાજનેતા તરીકેની તેમની ભૂમિકા અને ભારત-ગુયાના સંબંધોને મજબૂત કરવામાં તેમના યોગદાન માટે ઓર્ડર ઑફ એક્સલન્સ એનાયત કરવામાં આવ્યો હતો. કોમનવેલ્થ ઓફ ડોમિનિકાએ પણ વડાપ્રધાન મોદીને તેનું સર્વોચ્ચ રાષ્ટ્રીય સન્માન ડોમિનિકા એવોર્ડ ઓફ ઓનર અર્પણ કર્યું હતું.