મિડલ ઈસ્ટના જંગ વચ્ચે અમેરિકાની મોટી કાર્યવાહી, ઈરાની તેલ જહાજ જપ્ત કર્યું

અમેરિકા અને ઈરાન વચ્ચેનો સંઘર્ષ હવે પર્સિયન ગલ્ફની સીમાઓ ઓળંગીને હિંદ મહાસાગર સુધી પહોંચી ગયો છે. અમેરિકી નૌકાદળે શ્રીલંકા અને ઈન્ડોનેશિયા વચ્ચેના ખુલ્લા સમુદ્રમાં ઈરાની તેલ લઈ જતી એક વિશાળ ટેન્કરને જપ્ત કરીને ઈરાનની આર્થિક જીવાદોરી સમાન તેલ નિકાસ પર પ્રહાર કર્યો છે. આ કાર્યવાહી ઈરાન સાથેના યુદ્ધના એક નવા અને વધુ આક્રમક તબક્કાનો સંકેત આપે છે.

અમેરિકા અને ઈરાન વચ્ચેનો સંઘર્ષ હવે પર્સિયન ગલ્ફની સીમાઓ ઓળંગીને હિંદ મહાસાગર સુધી પહોંચી ગયો છે. અમેરિકી નૌકાદળે શ્રીલંકા અને ઈન્ડોનેશિયા વચ્ચેના ખુલ્લા સમુદ્રમાં ઈરાની તેલ લઈ જતી એક વિશાળ ટેન્કરને જપ્ત કરીને ઈરાનની આર્થિક જીવાદોરી સમાન તેલ નિકાસ પર પ્રહાર કર્યો છે. આ કાર્યવાહી ઈરાન સાથેના યુદ્ધના એક નવા અને વધુ આક્રમક તબક્કાનો સંકેત આપે છે.

ઓપરેશનલ પહોંચમાં વધારો
વોશિંગ્ટન પોસ્ટના અહેવાલ મુજબ, અમેરિકી દળોએ ૨૦ લાખ બેરલ તેલ લઈ જવાની ક્ષમતા ધરાવતા ટેન્કરને આંતરીને તેના પર કબજો મેળવ્યો છે. ટ્રમ્પ વહીવટીતંત્રના આદેશ મુજબ, ઈરાનના 'ડાર્ક ફ્લીટ' (પ્રતિબંધો ચોરીછૂપીથી તોડતા જહાજો) ને નિશાન બનાવવાની આ નીતિનો હેતુ તેહરાનને વાટાઘાટોના ટેબલ પર લાવવાનો છે.

ટ્રમ્પનો દાવો: "હોર્મુઝની સામુદ્રધુની પર અમારું પૂર્ણ નિયંત્રણ"
પ્રમુખ ડોનાલ્ડ ટ્રમ્પે આ દરિયાઈ ઘેરાબંધીને 'પ્રચંડ સફળતા' ગણાવી છે. તેમણે 'ટ્રુથ સોશિયલ' પર જાહેર કર્યું કે અમેરિકા હવે વ્યૂહાત્મક રીતે મહત્વપૂર્ણ ગણાતા 'સ્ટ્રેટ ઓફ હોર્મુઝ' પર સંપૂર્ણ નિયંત્રણ ધરાવે છે. ૧૩ એપ્રિલથી શરૂ થયેલી આ નાકાબંધી હેઠળ અત્યાર સુધીમાં ૨૮ જેટલા જહાજોને અધવચ્ચેથી પાછા વાળવામાં આવ્યા છે.

ઈરાનનો વળતો પ્રહાર: "આ યુદ્ધનું એલાન છે"
ઈરાનના વિદેશ મંત્રી અબ્બાસ અરાગચીએ આ બ્લોકેડને આંતરરાષ્ટ્રીય નિયમોનું ઉલ્લંઘન અને 'યુદ્ધ સમાન કૃત્ય' ગણાવ્યું છે. તેહરાન તરફથી ચેતવણી આપવામાં આવી છે કે જો દરિયાઈ અવરોધો ચાલુ રહેશે, તો તેઓ બળપ્રયોગ કરીને આ ઘેરાબંધી તોડશે. આ વધતા તણાવને કારણે દક્ષિણ એશિયાના મુખ્ય શિપિંગ માર્ગો અને ઉર્જા માર્ગો પર જોખમ તોળાઈ રહ્યું છે, જેનાથી વૈશ્વિક અર્થતંત્રમાં પણ ચિંતા ફેલાઈ છે.