રશિયાએ પ્રથમ વખત યુક્રેન પર બેલેસ્ટિક મિસાઈલથી હુમલો કર્યો

રશિયાએ ગુરુવારે સવારે 5-7 વાગ્યાની વચ્ચે યુક્રેનના ડિનિપ્રો શહેર પર બેલેસ્ટિક મિસાઈલથી હુમલો કર્યો હતો. રશિયાએ ઔદ્યોગિક અને ઈન્ફ્રાસ્ટ્રક્ચરને નિશાન બનાવ્યું. યુક્રેનિયન એરફોર્સે રશિયન હુમલાની પુષ્ટિ કરી છે.સિન્હુઆ ન્યૂઝ એજન્સી અનુસાર, યુક્રેનિયન વાયુસેનાએ ટેલિગ્રામ પર જણાવ્યું હતું કે ICBMને રશિયાના આસ્ટ્રાખાન ક્ષેત્રમાંથી છોડવામાં આવ્યું હતું. જો કે મિસાઈલના પ્રકાર વિશે કોઈ માહિતી આપવામાં આવી નથી.

આ હુમલામાં અન્ય આઠ મિસાઈલો પણ સામેલ હતી. એરફોર્સે જણાવ્યું હતું કે દેશની હવાઈ સંરક્ષણ પ્રણાલીએ છ રશિયન ક્રુઝ મિસાઈલોને તોડી પાડી હતી, જ્યારે બાકીની મિસાઈલોને કોઈ ખાસ નુકસાન થયું નથી.

પ્રાદેશિક ગવર્નર સેર્ગી લિસાકે જણાવ્યું હતું કે ડીનિપ્રો પર મોટા પાયે થયેલા હુમલાથી ઔદ્યોગિક એકમને નુકસાન થયું હતું અને શહેરમાં બે સ્થળોએ આગ લાગી હતી.આ પહેલા રશિયાએ યુક્રેનને પરમાણુ હુમલાની ધમકી આપી હતી. સિન્હુઆ ન્યૂઝ એજન્સીના જણાવ્યા અનુસાર, રશિયાના રાષ્ટ્રપતિ વ્લાદિમીર પુતિને મંગળવારે રશિયાના સુધારેલા પરમાણુ સિદ્ધાંતને મંજૂરી આપતા આદેશ પર હસ્તાક્ષર કર્યા.