વેનેઝુએલાના ભૂકંપમાં મૃત્યુઆંક 3,342 થયો, હજારો લોકો હજુ ગુમ

વેનેઝુએલામાં 24 જૂનના રોજ આવેલા બે શક્તિશાળી ભૂકંપ (7.2 અને 7.5ની તીવ્રતા) બાદ સ્થિતિ અત્યંત ગંભીર બની છે. નેશનલ એસેમ્બલીના પ્રમુખ જ્યોર્જ રોડ્રિગ્ઝે આપેલા લેટેસ્ટ અપડેટ મુજબ, આ કુદરતી હોનારતમાં મૃત્યુઆંક વધીને 3,342 થયો છે, જ્યારે 16,740 લોકો ઈજાગ્રસ્ત થયા છે.

વેનેઝુએલામાં 24 જૂનના રોજ આવેલા બે શક્તિશાળી ભૂકંપ (7.2 અને 7.5ની તીવ્રતા) બાદ સ્થિતિ અત્યંત ગંભીર બની છે. નેશનલ એસેમ્બલીના પ્રમુખ જ્યોર્જ રોડ્રિગ્ઝે આપેલા લેટેસ્ટ અપડેટ મુજબ, આ કુદરતી હોનારતમાં મૃત્યુઆંક વધીને 3,342 થયો છે, જ્યારે 16,740 લોકો ઈજાગ્રસ્ત થયા છે.

કુલ મૃત્યુઆંક: આ દુર્ઘટનામાં અત્યાર સુધીમાં કુલ 3,342 લોકોએ પોતાના જીવ ગુમાવ્યા છે.  

ઈજાગ્રસ્તોની સંખ્યા: ભૂકંપના કારણે કુલ 16,740 લોકો ઈજાગ્રસ્ત થયા છે, જેમને વિવિધ હોસ્પિટલોમાં સારવાર આપવામાં આવી રહી છે.  

વિસ્થાપિત લોકો: કુદરતી આ હોનારતને કારણે કુલ 17,345 લોકોએ પોતાનું ઘર ગુમાવ્યું છે અને તેઓ વિસ્થાપિત થયા છે.  

બચાવ કામગીરી: અત્યાર સુધીમાં બચાવ ટુકડીઓ દ્વારા 6,462 લોકોને કાટમાળ નીચેથી સુરક્ષિત રીતે બહાર કાઢવામાં સફળતા મળી છે.  

આફ્ટરશોક્સ: 24 જૂનના રોજ આવેલા મુખ્ય ભૂકંપ બાદથી અત્યાર સુધીમાં 995 આફ્ટરશોક્સ નોંધાયા છે, જે સ્થિતિને વધુ ગંભીર બનાવી રહ્યા છે.

સત્તાવાળાઓ દ્વારા અસરગ્રસ્તો માટે 80 કામચલાઉ રાહત શિબિરો બનાવવામાં આવી છે. હાલમાં 29,567 બચાવકર્મીઓ કાટમાળ નીચે દબાયેલા લોકોને શોધવા માટે દિવસ-રાત કામ કરી રહ્યા છે, જેમાં વિદેશથી આવેલા 3,281 બચાવકર્મીઓનો પણ સમાવેશ થાય છે.

સાત દિવસનો રાષ્ટ્રીય શોક

વેનેઝુએલાના કાર્યકારી પ્રમુખ ડેલ્સી રોડ્રિગ્ઝે આ મહાભૂકંપમાં જીવ ગુમાવનારા લોકોની યાદમાં સાત દિવસના રાષ્ટ્રીય શોકની જાહેરાત કરી છે. તેમણે જણાવ્યું હતું કે, "આ ગહન દુઃખની ક્ષણોમાં, આપણે તે તમામ લોકોના આભારી છીએ જેઓ આ ત્રાસદીનો સામનો કરી રહ્યા છે અને તેમને સુરક્ષા આપવાની અમારી પ્રતિબદ્ધતાને પુનઃસ્થાપિત કરીએ છીએ".

ભારતનું 'ઓપરેશન અમિસ્તદ'

આ મુશ્કેલ સમયમાં ભારત એક સાચા મિત્ર તરીકે વેનેઝુએલાની પડખે ઊભું રહ્યું છે. ભારત દ્વારા 'ઓપરેશન અમિસ્તદ' શરૂ કરવામાં આવ્યું છે, જેના હેઠળ ભારતીય સેનાની ફિલ્ડ હોસ્પિટલમાં અસરગ્રસ્તોને તબીબી સારવાર આપવામાં આવી રહી છે. વિદેશ મંત્રાલય (MEA) દ્વારા સોશિયલ મીડિયા પર શેર કરવામાં આવેલા વીડિયોમાં વેનેઝુએલાના નાગરિકો ભારતીય ડોક્ટરો અને મેડિકલ ટીમનો આભાર માનતા જોવા મળે છે. એક માતા, જેનો પુત્ર ભારતીય આર્મીની ફિલ્ડ હોસ્પિટલમાં સારવાર મેળવી રહ્યો છે, તેણે ભારતની આ માનવીય મદદ માટે હૃદયપૂર્વક આભાર વ્યક્ત કર્યો હતો.