અરવિંદ કેજરીવાલને SCએ આપ્યા વચગાળાના જામીન, છતાં જેલના સળિયા પાછળ રહેવું પડશે

સુપ્રીમ કોર્ટમાંથી વચગાળાના જામીન મળ્યા બાદ પણ સીએમ કેજરીવાલ જેલમાં જ રહેશે. CBIએ એક અલગ કેસમાં કેજરીવાલની ધરપકડ કરી છે. આ કારણે તે હાલ જેલમાં જ રહેશે.

નવી દિલ્હી: દિલ્હીના મુખ્યમંત્રી અરવિંદ કેજરીવાલને સુપ્રીમ કોર્ટમાંથી મોટી રાહત મળી છે. 90 દિવસ સુધી જેલના સળિયા પાછળ રહ્યા બાદ સુપ્રીમ કોર્ટે અરવિંદ કેજરીવાલને વચગાળાના જામીન મંજૂર કર્યા છે. મોટી બેંચની સુનાવણી સુધી કોર્ટે તેને વચગાળાના જામીન આપ્યા છે. આ મામલાની સુનાવણી દરમિયાન કોર્ટે કહ્યું કે અમે ચૂંટણી ફંડિંગને લઈને પણ સવાલો ઉઠાવ્યા છે. આવી સ્થિતિમાં માત્ર પૂછપરછના આધારે ધરપકડની મંજૂરી આપી શકાય નહીં. કોર્ટે હવે આ મામલામાં ત્રણ જજોની બેંચ બનાવવા માટે CJIને મોકલ્યા છે.

જામીન મળી ગયા છતાં કેજરીવાલ જેલમાં રહેશે

જો કે કોર્ટમાંથી વચગાળાના જામીન મળ્યા બાદ પણ સીએમ કેજરીવાલ હજુ પણ જેલમાં જ રહેશે. કારણ કે સીએમ કેજરીવાલની પણ સીબીઆઈ દ્વારા એક અલગ કેસમાં ધરપકડ કરવામાં આવી છે. તેથી, તે હજુ પણ બીજા કેસમાં જેલમાં રહેશે. ઉલ્લેખનીય છે કે, સીએમ કેજરીવાલને જે કેસમાં વચગાળાના જામીન મળ્યા છે તેની તપાસ ED કરી રહી છે. 

મહત્ત્વનું છે કે, એન્ફોર્સમેન્ટ ડિરેક્ટોરેટ (ED) એ થોડા દિવસો પહેલા કથિત દિલ્હી દારૂ કૌભાંડ કેસમાં ચાર્જશીટ દાખલ કરી હતી. EDએ આ કેસમાં 38 લોકોને આરોપી બનાવ્યા હતા. તેમજ EDની ચાર્જશીટમાં સીએમ અરવિંદ કેજરીવાલને આરોપી નંબર 37 બનાવવામાં આવ્યા છે. જ્યારે, આમ આદમી પાર્ટી (AAP) આરોપી નંબર 38 છે. EDની આ ચાર્જશીટમાં અરવિંદ કેજરીવાલને કિંગપિન કહેવામાં આવ્યા હતા. એવું પણ કહેવામાં આવ્યું છે કે તે ગોવાની ચૂંટણીમાં લાંચના પૈસાના ઉપયોગથી વાકેફ હતા અને આ મામલામાં સંડોવાયેલા હતા. 

અરવિંદ કેજરીવાલ EDના સંકજામાં

EDની ચાર્જશીટમાં અરવિંદ કેજરીવાલ અને આરોપી વિનોદ ચૌહાણ વચ્ચે વોટ્સએપ ચેટની વિગતો આપવામાં આવી છે. અરવિંદ કેજરીવાલ પર આરોપ છે કે કે કવિતાના પીએ વિનોદ દ્વારા ગોવા ચૂંટણી દ્વારા આમ આદમી પાર્ટીને 25.5 કરોડ રૂપિયા મોકલ્યા હતા. ચેટ પરથી સ્પષ્ટ થાય છે કે વિનોદ ચૌહાણના અરવિંદ કેજરીવાલ સાથે સારા સંબંધો હતા.