આંકડા અને કાર્યક્રમ અમલીકરણ મંત્રાલય (MoSPI)એ નવો લોગો અને માસ્કોટ કર્યો લોન્ચ

આ લોન્ચ MoSPના સંસ્થાકીય ઓળખને આધુનિક બનાવવા, જાહેર સંપર્ક વધારવા અને રાષ્ટ્ર નિર્માણમાં સત્તાવાર આંકડાઓની ભૂમિકાને મજબૂત બનાવવાના પ્રયાસોમાં એક મહત્વપૂર્ણ સીમાચિહ્નરૂપ છે.

નવો MoSPI લોગો દેશના વિકાસમાં ડેટાના મહત્વ પર ભાર મૂકે છે અને ભારતમાં ડેટા-આધારિત શાસન, પારદર્શિતા અને પ્રગતિને સરળ બનાવવા માટે મંત્રાલયની પ્રતિબદ્ધતાને પ્રતિબિંબિત કરે છે. ભારતના સમૃદ્ધ વારસા અને આધુનિક આંકડાકીય વિજ્ઞાનથી પ્રેરિત, આ લોગો મંત્રાલયના "ડેટા ફોર ડેવલપમેન્ટ"ના સંદેશને વ્યક્ત કરે છે.લોગોમાં અશોક ચક્ર સત્ય, પારદર્શિતા અને સુશાસનનું પ્રતિનિધિત્વ કરે છે. મધ્યમાં રૂપિયાનું પ્રતીક (₹) આર્થિક આયોજન, નીતિનિર્માણ અને રાષ્ટ્રીય વિકાસમાં આંકડાઓની મહત્વપૂર્ણ ભૂમિકાને પ્રકાશિત કરે છે. સંખ્યાઓ અને પ્રતીકોનો ઉપયોગ આધુનિક ડેટા સિસ્ટમ્સ અને આંકડાકીય વિજ્ઞાનને પ્રતિબિંબિત કરે છે.

ઉપર તરફ વધતી ગ્રોથ બાર પ્રગતિ દર્શાવે છે અને વિશ્વસનીય આંકડાઓ કેવી રીતે ટકાઉ આર્થિક વિકાસને સમર્થન આપે છે તે બતાવે છે. કેસરી, સફેદ, લીલો અને ઘેરો વાદળી રંગ ભારતના રાષ્ટ્રીય મૂલ્યો - વિકાસ, સત્ય, સ્થિરતા, ટકાઉપણું અને જ્ઞાનનું પ્રતિનિધિત્વ કરે છે જે એકસાથે સત્તાવાર આંકડાઓના વિશ્વાસ અને વિશ્વસનીયતાને મજબૂત બનાવે છે.MoSPI એ નવો માસ્કોટ, રજૂ કર્યો છે, જે એક મૈત્રીપૂર્ણ અને નાગરિક-કેન્દ્રિત પાત્ર છે જે દેશભરના લોકો માટે આંકડાઓને સરળ, સમજી શકાય તેવું અને આકર્ષક બનાવવા માટે રચાયેલ છે. આ માસ્કોટ MoSPના મુખ્ય મૂલ્યો જેમ કે ચોકસાઈ, પારદર્શિતા અને ડેટા-આધારિત શાસનને પ્રતિબિંબિત કરે છે અને ડેટાને એવી રીતે રજૂ કરે છે જે સામાન્ય લોકો સરળતાથી સમજી શકે.

એક સંબંધિત અને બુદ્ધિશાળી વ્યક્તિ તરીકે ડિઝાઇન કરાયેલ,  જટિલ આંકડાકીય ખ્યાલોને સરળ અને દ્રશ્ય રીતે સમજાવવામાં મદદ કરે છે. MoSPની જાહેર ઓળખ તરીકે આ માસ્કોટનો ઉપયોગ રાષ્ટ્રીય નમૂના સર્વે, જાગૃતિ ઝુંબેશ, શૈક્ષણિક સામગ્રી, ડિજિટલ પ્લેટફોર્મ અને જાહેર કાર્યક્રમોમાં કરવામાં આવશે. તેનું લોન્ચિંગ NSO સર્વેક્ષણોમાં વધુ જાહેર ભાગીદારીને પ્રોત્સાહિત કરવા અને સુસંગત અને ઓળખી શકાય તેવી દ્રશ્ય હાજરી દ્વારા સત્તાવાર આંકડાઓમાં વિશ્વાસ મજબૂત કરવા તરફ એક મહત્વપૂર્ણ પગલું છે.